கூகுள் முதலீடு - குறைந்த விலை 5ஜி ஸ்மார்ட்போன் - ஜியோவின் மாஸ் அறிவிப்புகள்

ரிலையன்ஸ் இன்டஸ்ட்ரீஸ் நிறுவனத்தின் 43 வது வருடாந்திர பொதுக்குழு கூட்டம் இன்று நடைபெற்றது. இவ்விழாவில் பேசிய ரிலையன்ஸ் இன்டஸ்ட்ரீஸ் குழும தலைவர் மற்றும் நிர்வாக இயக்குனர் முகேஷ் அம்பானி ஜியோ பிளாட்ஃபார்ம்களில், கூகுள் நிறுவனம் ரூ. 33,737 கோடி முதலீடு செய்ய இருப்பதாக அறிவித்தார். 

இதன் மூலம் கூகுள் நிறுவனத்திற்கு ஜியோ பிளாட்ஃபார்ம்களில் 7.7 சதவீத பங்குகள் கிடைக்கும். கூகுள் முதலீட்டை சேர்த்து, ஜியோ பிளாட்ஃபார்ம் இதுவரை ரூ. 1,52,056 கோடி தொகைய ஃபேஸ்புக், விஸ்டா ஈக்விட்டி, கொல்கத்தா நைட் ரைடரஸ் என பல்வேறு நிறுவனங்களில் இருந்து முதலீடாக பெற்று இருக்கிறது. 

மேலே குறிப்பிடப்பட்டுள்ள பரிமாற்றங்கள் அனைத்திற்கும் முறையான ஒழுங்குமுறை மற்றும் இதர அனுமதிகள் பெற வேண்டி இருப்பது குறிப்பிடத்தக்கது. 

இத்துடன் ஜியோ மற்றும் கூகுள் நிறுவனங்கள் இணைந்து என்ட்ரி லெவல் 4ஜி/5ஜி ஸ்மார்ட்போன் மாடல்களை வெளியிட இருக்கின்றன. இந்த ஸ்மார்ட்போன் ஆண்ட்ராய்டு இயங்குதளம் மற்றும் பிளே ஸ்டோருக்கு கஸ்டமைசேஷனுடன் அறிமுகமாக இருக்கிறது.