ஒன்பிளஸ் நிறுவனம் புதிய பட்ஜெட் விலை ஸ்மார்ட்போனினை இந்தியாவில் அறிமுகம் செய்ய இருக்கிறது. ஒன்பிளஸ் நார்டு CE 2 லைட் 5ஜி பெயரில் இந்த ஸ்மார்ட்போன் அறிமுகமாகிறது. அந்த வகையில், புது ஒன்பிளஸ் நார்டு ஸ்மார்ட்போன் குறித்து இதுவரை வெளியாகி இருக்கும் விவரங்கள், சிறப்பம்சங்கள் குறித்து தொடர்ந்து பார்ப்போம்.
புதிய ஒன்பிளஸ் நார்டு CE 2 லைட் 5ஜி ஸ்மார்ட்போன் ரியல்மி 9 ப்ரோ 5ஜி-யின் ரி-பிராண்டு செய்யப்பட்ட வெர்ஷன் ஆகும். ரியல்மி 9 ப்ரோ 5ஜி மாடல் ஏற்கனவே இந்தியாவில அறிமுகம் செய்யப்பட்டு விட்டது. அம்சங்களை பொருத்தவரை இந்த மாடலில் மூன்று கேமரா சென்சார்கள், இவற்றை சுற்றி பேட்டன் டிசைன், பன்ச் ஹோல் ஸ்கிரீன், செவ்வக எல்.சி.டி. பேனல் உள்ளிட்டவை வழங்கப்பட்டு இருக்கிறது.
ஸ்மார்ட்போனின் விலையை குறைவாக வைக்கவே இந்த மாடலில் எல்.சி.டி. டிஸ்ப்ளே வழங்கப்பட்டு உள்ளது. மேலும் இந்த மாடலில் 6.58 இன்ச் டிஸ்ப்ளே, 120Hz ரிப்ரெஷ் ரேட், புல் ஹெச்.டி. பிளஸ் ரெசல்யூஷன் ஸ்மார்ட்போனின் மூன்று புறமும் மெல்லிய பெசல்கள், கீழ்புறத்தில் நன்கு தெளிவாக காட்சியளிக்கும் சின் காணப்படுகிறது.
புகைப்படங்களை எடுக்க ஒன்பிளஸ் நார்டு CE 2 லைட் 5ஜி மாடலில் 16MP செல்ஃபி கேமரா வழங்கப்படுகிறது. இத்துடன் 64MP பிரைமரி கேமரா, 2MP மேக்ரோ சென்சார் மற்றும் 2MP டெப்த் கேமரா வழங்கப்படுகிறது. இந்த ஸ்மார்ட்போனில் அல்ட்ரா வைடு அல்லது டெலிபோட்டோ லென்ஸ் எதுவும் வழங்கப்படவில்லை என்றே தெரிகிறது.
ஒன்பிளஸ் நார்டு CE 2 லைட் 5ஜி ஸ்மார்ட்போன் குவால்காம் ஸ்னாப்டிராகன் 695 பிராசஸர் கொண்டிருக்கிறது. இத்துடன் 6GB/8GB ரேம் மற்றும் 128GB மெமரி வழங்கப்படுகிறது. மேலும் இந்த ஸ்மார்ட்போன் 5000mAh பேட்டரி மூலம் சக்தியூட்டப்படுகிறது. இத்துடன் 33W பாஸ்ட் சார்ஜிங் வசதி உள்ளது.
