ஆப்பிள் வாட்ச் சீரிஸ் 7 இந்திய முன்பதிவு விவரம்

ஆப்பிள் நிறுவனம் வாட்ச் சீரிஸ் 7 மாடல்களை ஐபோன் 13 சீரிஸ் உடன் அறிமுகம் செய்தது. ஐபோன் 13 சீரிஸ் விற்பனை ஏற்கனவே துவங்கிவிட்டது. இந்த நிலையில், இந்தியாவில் ஆப்பிள் வாட்ச் சீரிஸ் 7 முன்பதிவு அக்டோபர் 8 ஆம் தேதி துவங்கும் என அறிவிக்கப்பட்டு உள்ளது. 

இந்தியா மட்டுமின்றி உலகின் பல்வேறு நாடுகளிலும் ஆப்பிள் வாட்ச் சீரிஸ் 7 முன்பதிவு அக்டோபர் 8 ஆம் தேதியே துவங்குகிறது. இந்தியாவில் முன்பதிவு மாலை 5.30 மணிக்கு துவங்குகிறது. விற்பனை அக்டோபர் 15 ஆம் தேதி துவங்குகிறது.

ஆப்பிள் வாட்ச் சீரிஸ் 7 இந்திய விலை ரூ. 41,900 என துவங்குகிறது. கடந்த ஆண்டு ஆப்பிள் வாட்ச் சீரிஸ் 6 துவக்க விலை ரூ. 40,900 என நிர்ணயம் செய்யப்பட்டு இருந்தது குறிப்பிடத்தக்கது.