ஆப்பிள் நிறுவனம் சில தினங்களுக்கு முன் ஐபோன் 13 சீரிஸ் மாடல்களை அறிமுகம் செய்தது. இவற்றின் விலை ரூ. 69,900 என துவங்கி டாப் எண்ட் மாடல் விலை ரூ. 1,79,900 என நிர்ணயம் செய்யப்பட்டு உள்ளது. ஐபோன் 13 சீரிஸ் வெளியீட்டை தொடர்ந்து இந்தியாவில் மூன்று ஐபோன் மாடல்களின் விற்பனை நிறுத்தப்பட்டது.
ஐபோன் எக்ஸ் சீரிசுடன் அறிமுகம் செய்யப்பட்ட ஐபோன் எக்ஸ்.ஆர். இந்தியாவில் அந்நிறுவனத்தின் பிரபல மாடல்களில் ஒன்றாக இருந்து வந்தது. ஐபோன் எக்ஸ்.ஆர். மாடல் அந்நிறுவன வலைதளத்தில் இருந்து நீக்கப்பட்டது.
எனினும், இந்த மாடல் ப்ளிப்கார்ட், அமேசான், ரிலையன்ஸ் டிஜிட்டல் மற்றும் மூன்றாம் தரப்பு ஆன்லைன் வலைதளங்களில் தொடர்ந்து விற்பனை செய்யப்படுகிறது. ஐபோன் எக்ஸ்.ஆர். 64 ஜிபி ரூ. 42,999 விலையில் ப்ளிப்கார்ட் தளத்தில் கிடைக்கிறது.
இதேபோன்று ஐபோன் 12 ப்ரோ மற்றும் ஐபோன் 12 ப்ரோ மேக்ஸ் மாடல்களும் ஆப்பிள் அதிகாரப்பூர்வ வலைதளத்தில் இருந்து நீக்கப்பட்டது. எனினும், இந்த மாடல்களின் விற்பனை மற்ற வலைதளங்களில் நடைபெற்று வருகிறது.
