search icon
என் மலர்tooltip icon

    தொழில்நுட்பம்

    ரியல்மி சி21வை
    X
    ரியல்மி சி21வை

    குறைந்த விலையில் புது ஸ்மார்ட்போன் அறிமுகம் செய்த ரியல்மி

    ரியல்மி நிறுவனத்தின் புதிய சி சீரிஸ் ஸ்மார்ட்போனில் ரிவர்ஸ் சார்ஜிங் வசதி வழங்கப்பட்டு இருக்கிறது.


    ரியல்மி நிறுவனம் இந்திய சந்தையில் சி21வை ஸ்மார்ட்போனினை அறிமுகம் செய்தது. முன்னதாக இதே ஸ்மார்ட்போன் வியட்நாமில் அறிமுகம் செய்யப்பட்டது. புதிய ரியல்மி சி21வை மாடலில் யுனிசாக் டி610 பிராசஸர், 6.5 இன்ச் ஹெச்.டி. பிளஸ் 1600x720 பிக்சல் டிஸ்ப்ளே வழங்கப்பட்டு இருக்கிறது.

    புகைப்படங்களை எடுக்க 13 எம்பி பிரைமரி கேமரா, 2 எம்பி மேக்ரோ கேமரா, 2 எம்பி லென்ஸ், 5 எம்பி செல்பி கேமரா வழங்கப்பட்டு இருக்கிறது. இதன் பின்புறம் கைரேகை சென்சார், 5000 எம்.ஏ.ஹெச். பேட்டரி, 10 வாட் சார்ஜிங், ரிவர்ஸ் சார்ஜிங் வசதி கொண்டுள்ளது.

     ரியல்மி சி21வை

    ரியல்மி சி21வை ஸ்மார்ட்போன் கிராஸ் பிளாக் மற்றும் கிராஸ் புளூ நிறங்களில் கிடைக்கிறது. இதன் 3 ஜிபி + 32 ஜிபி மெமரி மாடல் விலை ரூ. 8,999 என்றும் 4 ஜிபி + 64 ஜிபி மெமரி மாடல் விலை ரூ. 9,999 என்றும் நிர்ணயம் செய்யப்பட்டு உள்ளது. 
    Next Story
    ×