இந்தியாவில் சியோமி நிறுவனத்தின் எம்ஐ டிவிக்கள் அதிக பிரபலமாக இருக்கின்றன. மேலும் நாட்டில் அதிகம் விற்பனையாகும் முன்னணி ஸ்மார்ட் டிவிக்களாகவும் எம்ஐ பிராண்டு மாடல்கள் இருக்கின்றன. இந்த நிலையில், ரெட்மி பிராண்டு ஸ்மார்ட் டிவிக்கள் இந்தியாவில் அறிமுகமாகுமா என்ற கேள்விக்கு சியோமி பதில் அளித்துள்ளது.
சியோமி இந்தியா நிர்வாக இயக்குனரான மனு குமார் ஜெயின் ரெட்மி நோட் 10 சீரிஸ் இந்திய வெளியீட்டு நிகழ்வில் ரெட்மி பிராண்டு டிவிக்களின் இந்திய வெளியீட்டை உறுதிப்படுத்தும் தகவலை சூசகமாக தெரிவித்தார். ரெட்மி டிவியில் எந்தெந்த மாடல்கள் இந்தியாவில் அறிமுகமாகும் என்பது குறித்து அவர் எந்த தகவலையும் தெரிவிக்கவில்லை.
“கடந்த ஆண்டு ரெட்மி பிராண்டு பல்வேறு புதிய பிரிவுகளில் களமிறங்கி தனது பயணத்தை முன்னோக்கி எடுத்து சென்றது. போன்-பிளஸ் திட்டத்தின் கீழ் பவர் பேங்க், ட்ரூ வயர்லெஸ் இயர்போன் மற்றும் பிட்னஸ் பேண்ட் போன்ற சாதனங்களை அறிமுகம் செய்தோம். இந்த ஆண்டும் மேலும் பெரியதை அறிமுகம் செய்வதில் பெருமையாக இருக்கிறோம்,” என மனு குமார் ஜெயின் தெரிவித்தார்.
