ஒப்போ நிறுவனத்தின் ரெனோ ஏஸ்2 ஸ்மார்ட்போன் விவரங்கள் இணையத்தில் தொடர்ந்து வெளியாகி வருகிறது. அந்த வகையில் புதிய ரெனோ ஸ்மார்ட்போனில் குவாட் கேமரா செட்டப், வட்ட வடிவ கேமரா பம்ப்பில் பொருத்தப்படுகிறது.
இந்நிலையில், ஒப்போ நிறுவன துணை தலைவர் ப்ரியான் ஷென் ரெனோ ஏஸ்2 ஸ்மார்ட்போன் சீன சந்தையில் ஏப்ரல் மாதத்தில் அறிமுகம் செய்யப்பட இருப்பதாக தெரிவித்திருக்கிறார். இதற்கான டீசர்களையும் அவர் வெளியிட்டு இருக்கிறார்.
முன்னதாக இந்த ஸ்மார்ட்போனின் இந்திய வெளியீடு கொரோனா வைரஸ் பாதிப்பு காரணமாக ரத்து நிறுத்திவைக்கப்பட்டது. சீனாவில் இயல்பு நிலை திரும்பியதால், சியோமியின் ரெட்மி பிராண்டு கே30 ப்ரோ ஸ்மார்ட்போன் அங்கு வெளியிடப்பட்டது. ஒப்போ ரெனோ ஏஸ்2 வெளியீட்டு தேதியை அந்நிறுவனம் இதுவரை அறிவிக்கவில்லை.
இதுவரை கிடைத்திருக்கும் தகவல்களில் ரெனோ ஏஸ்2 ஸ்மார்ட்போனில் வட்ட வடிவ கேமரா கட்-அவுட் கொண்டிருக்கும் என கூறப்படுகிறது. இதன் வடிவமைப்பு பார்க்க ஒன்பிளஸ் 7டி போன்றே காட்சியளிக்கிறது. இதன் பின்புறம் நான்கு கேமரா சென்சார்கள் வழங்கப்படும் என தெரிகிறது.
இத்துடன் யு.எஸ்.பி. டைப் சி போர்ட், இருபுறங்களிலும் ஸ்பீக்கர் கிரில் கொண்டிருக்கிறது. வரும் நாட்களில் ரெனோ ஏஸ் 2 ஸ்மார்ட்போன் பற்றிய விவரங்கள் வெளியாகும் என எதிர்பார்க்கப்படுகிறது.
