search icon
என் மலர்tooltip icon

    தொழில்நுட்பம்

    சாம்சங் கேலக்ஸி இசட் ஃபிளிப் மடிக்கக்கூடிய ஸ்மார்ட்போன்
    X
    சாம்சங் கேலக்ஸி இசட் ஃபிளிப் மடிக்கக்கூடிய ஸ்மார்ட்போன்

    சாம்சங் கேலக்ஸி இசட் ஃபிளிப் மடிக்கக்கூடிய ஸ்மார்ட்போன் அறிமுகம்

    சாம்சங் நிறுவனம் கேலக்ஸி இசட் ஃபிளிப் மடிக்கக்கூடிய ஸ்மார்ட்போன் மற்றும் கேலக்ஸி பட்ஸ் பிளஸ் இயர்போனினை அறிமுகம் செய்தது.



    சாம்சங் நிறுவனம் சர்வதேச சந்தையில் கேலக்ஸி இசட் ஃபிளிப் மடிக்கக்கூடிய ஸ்மார்ட்போனினை சர்வதேச சந்தையில் அறிமுகம் செய்தது. கிளாம்ஷெல் வடிவமைப்பில் உருவாகி இருக்கும் புதிய ஸ்மார்ட்போன் கேலக்ஸி எஸ்20 சீரிஸ் மற்றும் கேலக்ஸி பட்ஸ் பிளஸ் சாதனங்களுடன் அறிமுகம் செய்யப்பட்டது.

    சிறப்பம்சங்களை பொருத்தவரை கேலக்ஸி இசட் ஃபிளிப் ஸ்மார்ட்போனில் 6.7 இன்ச் ஃபுல் ஹெச்.டி. பிளஸ் டைனமிக் AMOLED 2636x1080 பிக்சல் ரெசல்யூஷன் கொண்ட டிஸ்ப்ளே வழங்கப்பட்டுள்ளது. சாம்சங் நிறுவனம் இந்த டிஸ்ப்ளேவினை இன்ஃபினிட்டி ஃபிளெக்ஸ் என அழைக்கிறது. இதில் மிக மெல்லிய கிளாஸ் பயன்படுத்தப்பட்டுள்ளது. இதனை 200,000 அதிக முறை மடிக்க முடியும்.

    சாம்சங் கேலக்ஸி இசட் ஃபிளிப் மடிக்கக்கூடிய ஸ்மார்ட்போன்

    கேலக்ஸி இசட் ஃபிளிப் ஸ்மார்ட்போனின் வெளி்ப்புறம் 1.1 இன்ச் சூப்பர் AMOLED டிஸ்ப்ளே 300x112 ரெசல்யூஷனில் வழங்கப்பட்டுள்ளது. இதன் கவர் டிஸ்ப்ளே மோட்டோரோலா ரேசர் மாடலை போன்றே நோட்டிஃபிகேஷன்களை காண்பிக்கிறது. இதில் பிரத்யேக ஃபிளெக்ஸ் மோட் வழங்கப்பட்டுள்ளது. இது ஸ்மார்ட்போன் செயலிகளை பாதியாக பிரித்து, கீழ்புறம் கண்ட்ரோல்கள் கொண்டது.

    மற்ற அம்சங்களை பொருத்தவரை ஸ்னாப்டிராகன் 855 பிளஸ் ஆக்டா கோர் பிராசஸர், 8 ஜி.பி. ரேம், 256 ஜி.பி. மெமரி வழங்கப்பட்டுள்ளது. கேலக்ஸி இசட் ஃபிளிப் ஸ்மார்ட்போனில் டூயல் பிரைமரி கேமராக்கள்: 12 எம்.பி. வைடு ஆங்கில் கேமரா, f/1.8, 12 எம்.பி. அல்ட்ரா வைடு ஆங்கில் கேமரா, f/2.2 வழங்கப்பட்டுள்ளது. முன்புறம் 10 எம்.பி. செல்ஃபி கேமரா, f/2.4 வழங்கப்பட்டுள்ளது.

    இதன் பக்கவாட்டில் கைரேகை சென்சார் வழங்கப்பட்டிருக்கிறது. இத்துடன் 3300 எம்.ஏ.ஹெச். பேட்டரி மற்றும் ஃபாஸ்ட் சார்ஜிங் வசதி வழங்கப்பட்டுள்ளது.

    சாம்சங் கேலக்ஸி இசட் ஃபிளிப் மடிக்கக்கூடிய ஸ்மார்ட்போன்

    சாம்சங் கேலக்ஸி இசட் ஃபிளிப் சிறப்பம்சங்கள்:

    - 6.7 இன்ச் FHD+ 2636x1080 பிக்சல் 21.5:9 டைனமிக் AMOLED இன்ஃபினிட்டி ஃபிளெக்ஸ் டிஸ்ப்ளே
    - வெளிப்புறம் 1.1 இன்ச் 300x112 பிக்சல் சூப்பர் AMOLED டிஸ்ப்ளே
    - ஆக்டா கோர் ஸ்னாப்டிராகன் 855 பிளஸ் பிராசஸர்
    - அட்ரினோ 640 GPU
    - 8 ஜி.பி. ரேம், 256 ஜி.பி. மெமரி
    - இசிம் மற்றும் நானோ சிம்
    - 12 எம்.பி. வைடு ஆங்கில் கேமரா, f/1.8, 1.4μm
    - 12 எம்.பி. அல்ட்ரா வைடு ஆங்கில் கேமரா, f/2.2, 1.22μm, எல்.இ.டி. ஃபிளாஷ், ஹெச்.டி.ஆர்.10 பிளஸ், OIS
    - 10 எம்.பி. செல்ஃபி கேமரா, f/2.4
    - பக்கவாட்டில் கைரேகை சென்சார்
    - பைவை, ப்ளூடூத் 5.0, யு.எஸ்.பி. டைப்-சி
    - 3300 எம்.ஏ.ஹெச். பேட்டரி
    - 15 வாட் ஃபாஸ்ட் சார்ஜிங், 9 வாட் கியூ.ஐ. வயர்லெஸ் சார்ஜிங்


    சாம்சங் கேலக்ஸி இசட் ஃபிளிப் ஸ்மார்ட்போன் மிரர் பிளாக் மற்றும் மிரர் பர்ப்பிள் நிறங்களில் கிடைக்கிறது. இந்தியாவில் கேலக்ஸி இசட் ஃபிளிப் ஸ்மார்ட்போனின் முன்பதிவு துவங்கி இருக்கும் நிலையில், விற்பனை விவரம் விரைவில் வெளியிடப்படலாம் என எதிர்பார்க்கப்படுகிறது.

    கேலக்ஸி இசட் ஃபிளிப் மடிக்கக்கூடிய ஸ்மார்ட்போனுடன் கேலக்ஸி பட்ஸ் பிளஸ் இயர்போனையும் சாம்சங் அறிமுகம் செய்தது. புதிய கேலக்ஸி பட்ஸ் பிளஸ் மாடலின் ஆடியோ தரம் மேம்படுத்தப்பட்டுள்ளது. இதற்கென புதிய இயர்போனில் ஏ.கே.ஜி. டியூன் செய்யப்பட்டுள்ளது.

    கேலக்ஸி பட்ஸ் பிளஸ்

    புதிய பட்ஸ் பிளஸ் இயர்போனின் வெளிப்புறம் இரண்டு மைக்குகளும், உள்புறம் ஒரு மைக் என மொத்தம் மூன்று மைக்குகள் வழங்கப்பட்டுள்ளன. இவை அழைப்புகளின் போது சீரான ஆடியோ அனுபவத்தை வழங்குகின்றன. இதன் ஆம்பியன்ட் சவுண்ட் அம்சம் மேம்படுத்தப்பட்டு பயனர்கள் நான்கு நிலைகளில் வெளிப்புற ஆடியோவினை கட்டுப்படுத்த முடியும்.

    85 எம்.ஏ.ஹெச். பேட்டரி வழங்கப்பட்டுள்ளதால் கேலக்ஸி பட்ஸ் பிளஸ் இயர்போன் 11 மணி நேரத்திற்கு மியூசிக் பிளேபேக் வழங்குகிறது. சார்ஜிங் கேஸ் பயன்படுத்தினால் 22 மணி நேர பேக்கப் பெற முடியும். 

    கேலக்ஸி பட்ஸ் பிளஸ்

    இத்துடன் குவிக் சார்ஜிங் வசதியும் வழங்கப்பட்டுள்ளது. இதனால் மூன்று நிமிடங்களுக்கு சார்ஜ் செய்தால் ஒரு மணி நேரத்திற்கு பயன்படுத்த முடியும். இதில் வயர்லெஸ் சார்ஜிங் வசதியும் வழங்கப்பட்டுள்ளது. பட்ஸ் பிளஸ் இயர்போனில் பிளே/பாஸ், ஸ்கிப், அழைப்புகளை ஏற்பது மட்டுமின்றி பயனர் விரும்பும் அம்சங்களை கஸ்டமைஸ் செய்யும் வசதியும் வழங்கப்பட்டுள்ளது. 

    கேலக்ஸி பட்ஸ் பிளஸ் இயர்போன் வைட், பிளாக் மற்றும் புளூ என மூன்று நிறங்களில் கிடைக்கிறது. 
    Next Story
    ×