சாம்சங் நிறுவனத்தின் கேலக்ஸி ஏ91 ஸ்மார்ட்போனின் ரென்டர்கள் இணையத்தில் வெளியாகியுள்ளது. ஏற்கனவே வெளியான தகவல்களில் இந்த ஸ்மார்ட்போன் கேலக்ஸி நோட் 10 போன்ற வடிவமைப்பு கொண்டிருக்கும் என கூறப்பட்டது.
தற்சமயம் வெளியாகி இருக்கும் தகவல்களில் புதிய கேலக்ஸி ஏ91 ஸ்மார்ட்போனில் பன்ச் ஹோல் வடிவமைப்பு, பின்பறம் சதுரங்க வடிவ கேமரா பம்ப் வழங்கப்படுகிறது. இதில் மொத்தம் நான்கு கேமரா சென்சார்கள் வழங்கப்படுகிறது. கேலக்ஸி ஏ91 ஸ்மார்ட்போன் சில நாடுகளில் கேலக்ஸி எஸ்10 லைட் என்ற பெயரில் அறிமுகம் செய்யப்படலாம்.
முன்னதாக வெளியான கேலக்ஸி எஸ்11 ரென்டர்களும் தற்சமயம் வெளியாகி இருக்கும் ரென்டர்களுக்கும் பல அம்சங்கள் ஒற்றுபோகிறது. இந்த ஸ்மார்ட்போன் கிளாஸி ஃபினிஷ் மற்றும் மெல்லிய பெசல்களை கொண்டிருக்கிறது. பின்புறம் சதுரங்க வடிவம் கொண்ட கேமரா மாட்யூல் காணப்படுகிறது.
புதிய ரென்டர்களில் கேலக்ஸி ஏ91 ஸ்மார்ட்போன் இருவித அளவுகளில் வெளியாகும் என கூறப்பட்டுள்ளது. இதில் ஒரு வேரியண்ட் மூன்று கேமரா சென்சார்களையும் மற்றொன்று நான்கு கேமரா சென்சார்களை கொண்டிருக்கிறது. இதில் பெரிஸ்கோப் லென்ஸ் வழங்கப்படலாம் என கூறப்படுகிறது.
ஸ்மார்ட்போன் கீழ்புறத்தில் யு.எஸ்.பி. டைப்-சி போர்ட், ஸ்பீக்கர் கிரில் மைக்ரோபோன் மாட்யூல் வழங்கப்படுகிறது. எனினும் இதில் 3.5 எம்.எம். ஹெட்போன் ஜாக் காணப்படவில்லை. மேலும் இந்த ஸ்மார்ட்போனில் இன்-டிஸ்ப்ளே கைரேகை சென்சார் வழங்கப்படும் என தெரிகிறது.
இதுவரை வெளியான தகவல்களின் படி கேலக்ஸி ஏ91 ஸ்மார்ட்போனில் 6.7 இன்ச் ஃபுல் ஹெச்.டி. பிளஸ் டிஸ்ப்ளே, ஆண்ட்ராய்டு 10 இயங்குதளம், குவால்காம் ஸ்னாப்டிராகன் 855 பிராசஸர், 8 ஜி.பி. ரேம், 128 ஜி.பி. மெமரி, 32 எம்.பி. செல்ஃபி கேமரா, 4500 எம்.ஏ.ஹெச். பேட்டரி, 45 வாட் ஃபாஸ்ட் சார்ஜிங் வசதி உள்ளிட்டவை வழங்கப்படலாம்.
புகைப்படங்களை எடுக்க பின்புறம் 48 எம்.பி. சென்சார், 12 எம்.பி. அல்ட்ரா வைடு ஆங்கில் லென்ஸ், 5 எம்.பி. டெரிடரி சென்சார் மற்றும் டெலிபோட்டோ லென்ஸ் வழங்கப்படலாம்.
புகைப்படம் நன்றி: OnLeaks/ 91Mobiles
