search icon
என் மலர்tooltip icon

    தொழில்நுட்பம்

    ஒப்போ ஏ5 2020
    X
    ஒப்போ ஏ5 2020

    ஒப்போ ஸ்மார்ட்போனிற்கு நிரந்தர விலை குறைப்பு

    ஒப்போ நிறுவனம் தனது ஸ்மார்ட்போன் மாடலின் விலையை நிரந்தரமாக குறைப்பதாக அறிவித்துள்ளது.



    ஒப்போ நிறுவனத்தின் ஏ9 2020 மற்றும் ஏ5 2020 ஸ்மார்ட்போன்கள் கடந்த மாதம் இந்தியாவில் அறிமுகம் செய்யப்பட்டன. சமீபத்தில் ஒப்போ ஏ9 2020 ஸ்மார்ட்போனின் விலை குறைக்கப்பட்டதைத் தொடர்ந்து ஒப்போ ஏ5 2020 ஸ்மார்ட்போனின் 3 ஜி.பி. ரேம் மாடல் விலை குறைக்கப்பட்டுள்ளது.

    ஒப்போ ஏ5 2020 ஸ்மார்ட்போன் 3 ஜி.பி. ரேம், 64 ஜி.பி. மெமரி மாடலின் விலையில் ரூ. 500 நிரந்தரமாக குறைக்கப்பட்டுள்ளது. அதன்படி விலை குறைப்புக்கு பின் ஸ்மார்ட்போன் ரூ. 11,990 விலையில் விற்பனை செய்யப்படுகிறது. முன்னதாக இந்த ஸ்மார்ட்போன் ரூ. 12,490 விலையில் விற்பனை செய்யப்பட்டு வந்தது.

    3 ஜி.பி. ரேம் வேரியண்ட் விலை மட்டும் குறைக்கப்பட்டுள்ள நிலையில், ஒப்போ ஏ5 2020 4 ஜி.பி. ரேம் விலையில் மாற்றம் செய்யப்படாமல் ரூ. 13,990 விலையிலேயே விற்பனை செய்யப்படுகிறது. ஸ்மார்ட்போனின் புதிய விலை அமேசான் மற்றும் ஒப்போ அதிகாரப்பூர்வ விற்பனை வலைதளத்தில் மாற்றப்பட்டு விட்டது.

    ஒப்போ ஏ5 2020

    சிறப்பம்சங்களை பொருத்தவரை ஒப்போ ஏ5 2020 ஸ்மார்ட்போனில் 6.5 இன்ச் நானோ வாட்டர் டிராப் ஸ்கிரீன், குவால்காம் ஸ்னாப்டிராகன் 665 பிராசஸர், 3 ஜி.பி. / 4 ஜி.பி. ரேம், 64 ஜி.பி. மெமரி கொண்டிருக்கிறது. புகைப்படங்களை எடுக்க நான்கு பிரைமரி கேமராக்கள் வழங்கப்பட்டுள்ளன.

    12 எம்.பி. பிரைமரி சென்சார், 8 எம்.பி. அல்ட்ரா வைடு ஆங்கில் லென்ஸ், 2 எம்.பி. டெப்த் சென்சார், 2 எம்.பி. மேக்ரோ லென்ஸ் வழங்கப்பட்டுள்ளது. முன்புறம் 8 எம்.பி. செல்ஃபி கேமரா வழங்கப்பட்டுள்ளது. பிரைமரி மற்றும் முன்புற கேமராக்களில் EIS மற்றும் அல்ட்ரா நைட் மோட் 2.0 வழங்கப்பட்டுள்ளது.

    இத்துடன் டால்பி அட்மோஸ் ஆடியோ, டூயல் ஸ்டீரியோ ஸ்பீக்கர்கள் மற்றும் 5000 எம்.ஏ.ஹெச். பேட்டி, ரிவர்ஸ் சார்ஜிங் வசதி போன்றவை வழங்கப்பட்டுள்ளன.
    Next Story
    ×