search icon
என் மலர்tooltip icon

    தொழில்நுட்பம்

    பி.எஸ்.என்.எல்.
    X
    பி.எஸ்.என்.எல்.

    ஜியோவுக்கு சவால் விடும் பி.எஸ்.என்.எல். சலுகை

    ரிலையன்ஸ் ஜியோஃபைபர் சலுகைக்கு போட்டியாக பி.எஸ்.என்.எல். பிராட்பேண்ட் வாடிக்கையாளர்களுக்கு புதிய சலுகை அறிவிக்கப்பட்டுள்ளது.



    பி.எஸ்.என்.எல். நிறுவனம் தனது பிராட்பேண்ட் வாடிக்கையாளர்களுக்கு ரூ. 777 சலுகையை மீண்டும் வழங்குவதாக அறிவித்துள்ளது. ஜியோஃபைர் சேவைக்கு போட்டியாக பி.எஸ்.என்.எல். மீண்டும் ரூ. 777 சலுகையை அறிவித்திருக்கிறது. இந்த சலுகை பிராட்பேண்ட் சேவைகளில் ஒரு ஜி.பி. டேட்டாவுக்கு மிகக்குறைந்த கட்டணத்தில் வழங்குகிறது.

    கடந்த மாதம் ஜியோஃபைபர் சேவை வணிக ரீதியில் அறிவிக்கப்பட்டது முதல் பி.எஸ்.என்.எல். நிறுவன சலுகைகளில் பல்வேறு மாற்றங்கள் மேற்கொள்ளப்பட்டு வருகின்றன. அவ்வாறு தனது பழைய ரூ. 777 சலுகையை பி.எஸ்.என்.எல். மீண்டும் வழங்குவதாக அறிவித்துள்ளது. முன்னதாக பி.எஸ்.என்.எல். நிறுவனம் தனது ரூ. 849 சலுகையை மாற்றியமைத்தது. 

    இண்டர்நெட்

    பி.எஸ்.என்.எல். ரூ. 777 சலுகையில் மாதம் 500 ஜி.பி. டேட்டா 50Mbps வேகத்தில் வழங்கப்படுகிறது. தினசரி டேட்டா அளவை கடந்ததும், டேட்டா வேகம் 20Mbps ஆக குறைக்கப்படுகிறது. ஏற்கனவே அறிவிக்கப்பட்டு, பின் நீக்கப்பட்ட ரூ. 777 சலுகை தற்சமயம் விளம்பர நோக்கில் மீண்டும் வழங்கப்படுகிறது.

    அந்தமான் மற்றும் நிகோபார் தவிர மற்ற வட்டாரங்களில் இந்த சலுகை வழங்கப்படுகிறது. பி.எஸ்.என்.எல். ரூ. 777 சலுகை ஆறு மாதங்களுக்கு மட்டுமே வழங்கப்படுகிறது. அந்த வகையில் இந்த சலைுகையை பயனர்கள் ஆறு மாதத்திற்கு மட்டுமே பயன்படுத்த முடியும். 

    அதன்பின் ரூ. 849 சலுகையை பயன்படுத்த வேண்டியிருக்கும். பி.எஸ்.என்.எல். ரூ. 849 சலுகையில் பயனர்களுக்கு 600 ஜி.பி. டேட்டா 50Mbps வேகத்தில் வழங்கப்படுகிறது.
    Next Story
    ×