இந்தியாவில் நோக்கியா 6.1 ஸ்மார்ட்போனின் விலை குறைக்கப்பட்டுள்ளது. புதிய விலை குறைப்பு நோக்கியா இந்தியா வலைதளத்தில் மாற்றப்பட்டுள்ளது. இந்தியாவில் நோக்கியா 6.1 அல்லது நோக்கியா 6 (2018) ஸ்மார்ட்போன் கடந்த ஆண்டு ஏப்ரல் மாதத்தில் அறிமுகம் செய்யப்பட்டது.
நோக்கியா 6.1 ஸ்மார்ட்போன் 3 ஜி.பி. ரேம், 32 ஜி.பி. மெமரி மற்றும் 4 ஜி.பி. ரேம், 64 ஜி.பி. மெமரி என இரண்டு வேரியண்ட்களில் கிடைக்கிறது. இந்த ஸ்மார்ட்போன் கூகுளின் ஆண்ட்ராய்டு ஒன் திட்டத்தில் அறிமுகமானது.
விலை குறைப்பின் படி நோக்கியா 6.1 ஸ்மார்ட்போனின் 3 ஜி.பி. ரேம், 32 ஜி.பி. மெமரி மாடல் விலை ரூ. 6999 என்றும் 4 ஜி.பி. ரேம், 64 ஜி.பி. மெமரி மாடல் விலை ரூ. 9,999 என நிர்ணயம் செய்யப்பட்டுள்ளது. அமேசான் மற்றும் ப்ளிப்கார்ட் தளத்தில் விலை குறைப்பு இதுவரை மாற்றப்படவில்லை.
இந்தியாவில் இந்த ஸ்மார்ட்போன் ரூ. 16,999 விலையில் அறிமுகம் செய்யப்பட்டது. பின் இதன் 3 ஜி.பி. மாடல் விலை ரூ. 8,999 என்றும் 4 ஜி.பி. மாடல் விலை ரூ. 10,999 என மாற்றப்பட்டது.
சிறப்பம்சங்களை பொருத்தவரை நோக்கியா 6.1 ஸ்மார்ட்போனில் 5.5 இன்ச் 1080 பிக்சல் 2.5D வளைந்த கிளாஸ் டிஸ்ப்ளே, கார்னிங் கொரில்லா கிளாஸ் 3 கொண்டு பாதுகாக்கப்படுகிறது. இத்துடன் ஸ்னாப்டிராகன் 630 சிப்செட், ஆன்ட்ரய்டு 8.1 ஓரியோ இயங்குதளம் வழங்கப்பட்டுள்ளது.
புகைப்படங்களை எடுக்க 16 எம்.பி. பிரைமரி கேமரா, f/2.0 அப்ரேச்சர், டூயல் டோன் எல்இடி ஃபிளாஷ், செய்ஸ் ஆப்டிக்ஸ் மற்றும் 8 எம்.பி. செல்ஃபி கேமரா வழங்கப்பட்டுள்ளது. மெட்டல் யுனிபாடி வடிவைப்பு கொண்டிருக்கும் நோக்கியா 6.1 ஸ்மார்ட்போன் 6000 சீரிஸ் அலுமினியம் கொண்டு உருவாக்கப்பட்டுள்ளது.
