அசுஸ் நிறுவனத்தின் 6இசட் ஃபிளாக்ஷிப் ஸ்மார்ட்போன் இந்தியாவில் அறிமுகம் செய்யப்பட்டுள்ளது. புதிய ஸ்மார்ட்போனில் 6.46 இன்ச் ஃபுல் ஹெச்.டி. பிளஸ் நாட்ச்-லெஸ் எல்.சி.டி. ஸ்கிரீன் வழங்கப்பட்டுள்ளது. இத்துடன் கார்னிங் கொரில்லா கிளாஸ் 6 பாதுகாப்பு வழங்கப்பட்டுள்ளது.
புதிய அசுஸ் ஸ்மார்ட்போனில் ஸ்னாப்டிராகன் 855 பிராசஸர், 8 ஜி.பி. ரேம், ஆண்ட்ராய்டு 9.0 பை இயங்குதளம் சென் யு.ஐ. 6, ஆண்ட்ராய்டு கியூ மற்றும் ஆர் அப்டேட் வழங்கப்படும் என அறிவிக்கப்பட்டுள்ளது. அசுஸ் 6இசட் ஸ்மார்ட்போனில் மோட்டோரைஸ் செய்யப்பட்ட ப்ளிப் கேமரா வழங்கப்பட்டுள்ளது.
இதில் 48 எம்.பி. சோனி IMX586 சென்சார், குவாட் பேயர் தொழில்நுட்பம் வழங்கப்பட்டுள்ளது. இந்த தொழில்நுட்பம் 12 எம்.பி. தரத்தில் புகைப்படங்களை வழங்குகிறது. இத்துடன் 13 எம்.பி. 125-டிகிரி அல்ட்ரா வைடு லென்ஸ் வழங்கப்பட்டுள்ளது. இதன் பிரைமரி கேமராக்களையே செல்ஃபி கேமராக்களாக பயன்படுத்த முடியும்.
பின்புறம் கைரேகை சென்சார் கொண்டிருக்கும் அசுஸ் 6இசட் ஸ்மார்ட்போனி்ல் பிரத்யேக ஸ்மார்ட் கீ வழங்கப்பட்டுள்ளது. இந்த ஸ்மார்ட்போனின் பின்புறமும் 3டி கார்னிங் கொரில்லா கிளாஸ் பாதுகாப்பு வழங்கப்பட்டுள்ளது. இத்துடன் டுயல் சிம் ஸ்லாட், மைக்ரோ எஸ்.டி. கார்டு ஸ்லாட்களும், 5000 எம்.ஏ.ஹெச். பேட்டரி மற்றும் க்விக் சார்ஜ் 4.0 வழங்கப்பட்டுள்ளது.
அசுஸ் 6இசட் சிறப்பம்சங்கள்:
- 6.4 இன்ச் 2340x1080 பிக்சல் ஃபுல் ஹெச்.டி. பிளஸ் நானோ எட்ஜ் IPS LCD ஸ்கிரீன்
- கார்னிங் கொரில்லா கிளாஸ் 6
- ஆக்டா-கோர் ஸ்னாப்டிராகன் 855 7என்.எம். பிராசஸர்
- அட்ரினோ 640 GPU
- 6 ஜி.பி. LPDDR4X ரேம், 64 ஜி.பி. / 128 ஜி.பி. (UFS 2.1) மெமரி
- 8 ஜி.பி. LPDDR4X ரேம், 256 ஜி.பி. (UFS 2.1) மெமரி
- மெமரியை கூடுதலாக நீட்டிக்கும் வசதி
- ஆண்ட்ராய்டு 9.0 (பை) மற்றும் சென் யு.ஐ. 6
- டூயல் சிம்
- 48 எம்.பி. ஃப்ளிப் கேமரா, டூயல் எல்.இ.டி. ஃபிளாஷ், f/1.79, 1/2″ சோனி IMX586 சென்சார், 0.8μm பிக்சல், லேசர் AF, EIS
- 13 எம்.பி. இரண்டாவது பிரைமரி கேமரா, 125-டிகிரி அல்ட்ரா வைடு லென்ஸ், f/2.4, 4K 60 fps வீடியோ வசதி
- கைரேகை சென்சார்
- 3.5 எம்.எம். ஆடியோ ஜாக், எஃப்.எம். ரேடியோ
- டூயல் 4ஜி வோல்ட்இ, வைபை, ப்ளூடூத், யு.எஸ்.பி. டைப்-சி
- 5000 எம்.ஏ.ஹெச். பேட்டரி
- குவிக் சார்ஜ் 4.0
அசுஸ் 6இசட் ஸ்மார்ட்போன் மிட்நைட் பிளாக் மற்றும் டுவிலைட் சில்வர் என இரண்டு நிறங்களில் கிடைக்கி்றது. இதன் 6 ஜி.பி. ரேம், 64 ஜி.பி. மெமரி மாடல் விலை ரூ.31,999 என்றும், 6 ஜி.பி. ரேம், 128 ஜி.பி. மெமரி மாடல் விலை ரூ.34,999 என்றும் 8 ஜி.பி. ரேம், 256 ஜி.பி. மெமரி மாடல் விலை ரூ.39,999 என நிர்ணயம் செய்யப்பட்டுள்ளது.
இந்தியாவில் அசுஸ் 6இசட் ஸ்மார்ட்போனின் விற்பனை ஜூன் 26 ஆம் தேதி துவங்குகிறது. ப்ளிப்கார்ட் தளத்தில் மட்டும் அசுஸ் 6இசட் பிரத்யேகமாக விற்பனை செய்யப்படுகிறது. இத்துடன் புதிய அசுஸ் ஸ்மார்ட்போனை வாங்குவோருக்கு ரூ.3999 மதிப்புள்ள மொபைல் பாதுகாப்பு சேவையை ப்ளிப்கார்ட் ரூ.99 விலையில் வழங்குகிறது.
