இந்தியாவில் ரூ.2000 விலை குறைக்கப்பட்ட ஸ்மார்ட்போன்

ஒப்போ நிறுவனத்தின் கே1 ஸ்மார்ட்போன் இந்தியாவில் இந்த ஆண்டு அறிமுகம் செய்யப்பட்டது. இந்தியாவில் ரூ.16,990 விலையில் அறிமுகமான ஒப்போ கே1 ஸ்மார்ட்போனில் AMOLED டிஸ்ப்ளே, ஸ்னாப்டிராகன் 660 பிராசஸர், இன்-டிஸ்ப்ளே கைரேகை சென்சார் உள்ளிட்டவை முக்கிய சிறப்பம்சங்களாக இருக்கின்றன.

இந்தியாவில் அறிமுகமாகி நான்கு மாதங்களாகி இருக்கும் ஒப்போ கே1 ஸ்மார்ட்போனின் விலையை குறைப்பதாக ஒப்போ தெரிவித்துள்ளது. அந்த வகையில் ஒப்போ கே1 ஸ்மார்ட்போனின் விலை ரூ.2000 குறைக்கப்படுகிறது. தற்சமயம் விலை குறைப்பை தொடர்ந்து ஒப்போ கே1 ஸ்மார்ட்போன் ரூ.14,990 விலையில் விற்பனை செய்யப்படுகிறது.

4 ஜி.பி. ரேம், 64 ஜி.பி. மெமரி எனும் ஒற்றை வேரியண்ட்டில் கிடைக்கும் ஒப்போ ஸ்மார்ட்போன் விலை முதல் முறையாக குறைக்கப்பட்டுள்ளது. இந்தியாவில் ஒப்போ கே1 ஸ்மார்ட்போன் ப்ளிப்கார்ட் வலைதளத்தில் விற்பனை செய்யப்படுகிறது. அந்த வகையில் ப்ளிப்கார்ட் தளத்தில் புதிய விலை மாற்றப்பட்டுள்ளது.

- 6.4 இன்ச் 2340x1080 பிக்சல் ஆன்-செல் AMOLED டிஸ்ப்ளே

- ஆக்டாகோர் ஸ்னாப்டிராகன் 660 14 என்.எம். பிராசஸர்

- அட்ரினோ 512 GPU

- 4 ஜி.பி. ரேம்

- 64 ஜி.பி. மெமரி

- மெமரியை கூடுதலாக நீட்டிக்கும் வசதி

- ஆண்ட்ராய்டு 8.1 ஓரியோ மற்றும் கலர் ஓ.எஸ். 5.2

- டூயல் சிம் ஸ்லாட்

- 16 எம்.பி. பிரைமரி கேமரா, எல்.இ.டி. ஃபிளாஷ்

- 2 எம்.பி. இரண்டாவது பிரைமரி கேமரா

- 25 எம்.பி. செல்ஃபி கேமரா

- இன்-டிஸ்ப்ளே கைரேகை சென்சார்

- டூயல் 4ஜி வோல்ட்இ, வைபை, ப்ளூடூத்

- 3600 எம்.ஏ.ஹெச். பேட்டரி

ஒப்போ கே1 ஸ்மார்ட்போன் ஆஸ்ட்ரல் புளு மற்றும் பியானோ பிளாக் என இரண்டு நிறங்களில் கிடைக்கிறது.