சாம்சங் நிறுவனம் கேலக்ஸி ஏ7 ஸ்மார்ட்போனினை அறிமுகம் செய்துள்ளது. முன்னதாக இணையத்தில் லீக் ஆன கேலக்ஸி ஏ7 ஸ்மார்ட்போன் தற்சமயம் அதிகாரப்பூர்வமாக அறிவிக்கப்பட்டுள்ளது.
புதிய கேலக்ஸி ஸ்மார்ட்போனில் சாம்சங் நிறுவனம் மூன்று பிரைமரி கேமரா சென்சார்களை வழங்கி இருக்கிறது. 24 எம்.பி. பிரைமரி சென்சார், f/1.7 அப்ரேச்சர், 8 எம்.பி. இரண்டாவது பிரைமரி கேமரா, 120 டிகிரி வைடு லென்ஸ், 5 எம்.பி. மூன்றாவது கேமரா லென்ஸ் வழங்கப்பட்டுள்ளது. செல்ஃபிக்களை எடுக்க 24 எம்.பி. கேமரா, எல்.இ.டி. ஃபிளாஷ் வழங்கப்பட்டுள்ளது.
இத்துடன் செல்ஃபி ஃபோக்கஸ், ப்ரோ லைட்டிங் மோட் மற்றும் ஏ.ஆர். எமோஜி உள்ளிட்டவை வழங்கப்பட்டுள்ளது. மெட்டல் ஃபிரேம் மற்றும் கிளாஸ் பேக் கொண்டிருக்கும் கேலக்ஸி ஏ7 ஸ்மார்ட்போனில் 6.0 இன்ச் ஃபுல் ஹெச்.டி. பிளஸ் சூப்பர் AMOLED ஸ்கிரீன், 2.2 ஜிகாஹெர்ட்ஸ் ஆக்டா-கோர் பிராசஸர், பக்கவாட்டில் கைரேகை சென்சார் வழங்கப்பட்டுள்ளது.
சாம்சங் கேலக்ஸி ஏ7 (2018) சிறப்பம்சங்கள்:
- 6.0 இன்ச் 1080x2220 பிக்சல் ஃபுல் ஹெச்.டி. பிளஸ் சூப்பர் AMOLED இன்ஃபினிட்டி டிஸ்ப்ளே
- 2.2 ஜிகாஹெர்ட்ஸ் ஆக்டா-கோர் பிராசஸர்
- 4 ஜிபி ரேம், 64 ஜிபி / 128 ஜிபி மெமரி
- 6 ஜிபி ரேம், 128 ஜிபி மெமரி
- மெமரியை நீட்டிக்கும் வசதி
- ஆன்ட்ராய்டு 8.0 ஓரியோ
- டூயல் சிம் ஸ்லாட்
- 24 எம்.பி. பிரைமரி கேமரா, எல்.இ.டி. ஃபிளாஷ், f/1.7
- 8 எம்.பி. 120° அல்ட்ரா வைடு கேமரா
- 5 எம்.பி. மூன்றாவது கேமரா, f/2.2
- 24 எம்.பி. செல்ஃபி கேமரா, f/2.0
- பக்கவாட்டில் கைரேகை சென்சார்
- டால்பி அட்மோஸ்
- 4ஜி வோல்ட்இ, வைபை, ப்ளூடூத்
- 3300 எம்.ஏ.ஹெச். பேட்டரி
- அடாப்டிவ் ஃபாஸ்ட் சார்ஜிங்
சாம்சங் கேலக்ஸி ஏ7 (2018) ஸ்மார்ட்போன் புளு, பிளாக், கோல்டு மற்றும் பின்க் நிறங்களில் கிடைக்கிறது. இதன் விலை 349 யூரோ இந்திய மதிப்பில் ரூ.29,385 என நிர்ணயம் செய்யப்பட்டுள்ளது. தேர்வு செய்யப்பட்ட ஐரோப்பிய மற்றும் ஆசிய சந்தைகளில் கேலக்ஸி ஏ7 (2018) ஸ்மார்ட்போன் அக்டோபர் மாதம் முதல் விற்பனைக்கு வரும் என தெரிவிக்கப்பட்டுள்ளது.
அந்த வகையில் இந்தியாவில் மிகவிரைவில் அறிமுகம் செய்யப்படலாம் என எதிர்பார்க்கப்படுகிறது. #GalaxyA7 #Smartphones
