என் மலர்
தொழில்நுட்பம்
அதிகம் எதிர்பார்க்கப்பட்ட 2018 நோக்கியா ஸ்மார்ட்போன்கள் அறிமுகம்
சர்வதேச ஸ்மார்ட்போன் சந்தையில் அதிகம் எதிர்பார்க்கப்பட்ட 2018 நோக்கியா ஸ்மார்ட்போன்கள் பார்சிலோனாவில் நடைபெற்ற விழாவில் அறிமுகம் செய்யப்பட்டன.
பார்சிலோனா:
சர்வதேச ஸ்மார்ட்போன் ப்ரியர்களால் அதிகம் எதிர்பார்க்கப்பட்ட 2018 சர்வதேச மொபைல் காங்கிரஸ் விழா துவங்கியது. இவ்விழாவில் நோக்கியா ஏற்கனவே அறிவித்தப்படி 2018-ம் ஆண்டிற்கான புதிய நோக்கியா ஸ்மார்ட்போன்கள் அறிமுகம் செய்யப்பட்டன.
அந்த வகையில் 4ஜி வசதி கொண்ட நோக்கியா 8110, நோக்கியா 8 சிரோக்கோ, நோக்கியா 7 பிளஸ், புதிய நோக்கியா 6 நோக்கியா 1 உள்ளிட்ட ஸ்மார்ட்போன்கள் அறிமுகம் செய்யப்பட்டுள்ளன.
புதிய ஸ்மார்ட்போன்களின் அறிமுக நிகழ்விலேயே ஸ்மார்ட்போன்களின் விலை மற்றும் வெளியீட்டு தகவல்களையும் ஹெச்.எம்.டி. குளோபல் அதிகாரப்பூர்வமாக அறிவித்துள்ளது. எனினும் இந்திய வெளியீடு மற்றும் விலை குறித்த தகவல்கள் ரகசியமாக வைக்கப்பட்டிருக்கிறது.
நோக்கியா 8810 4ஜி:
நோக்கியாவின் பிரபல 8810 மீண்டும் களமிறக்கப்பட்டுள்ளது. இம்முறை 4ஜி வசதி, ஸ்லைடர் கொண்ட அதிநவீன வாழைப்பழ தோற்றம் பெற்றிருக்கிறது. புதிய 8810 4ஜி மொபைல் 4ஜி வோல்ட்இ அழைப்புகள் மற்றும் 4ஜி கனெக்டிவிட்டி உள்ளிட்ட வசதிகள் வழங்கப்பட்டுள்ளது.
நோக்கியா 8810 4ஜி சிறப்பம்சங்கள்:
- 2.4 இன்ச் 320x240 பிக்சல் QVGA டிஸ்ப்ளே
- 1.1 ஜிகாஹெர்ட்ஸ் டூயல்-கோர் குவால்காம் 205 சிப்செட்
- அட்ரினோ 304 GPU
- 512 எம்பி ரேம்
- 4 ஜிபி ரேம்
- மெமரியை கூடுதலாக நீட்டிக்கும் வசதி
- சிங்கிள் / டூயல் சிம் ஸ்லாட்
- ஸ்மார்ட் ஃபீச்சர் ஓ.எஸ்.
- 2 எம்பி பிரைமரி கேமரா, எல்இடி ஃபிளாஷ்
- ட்ரிப் பாதுகாப்பு (IP52)
- 4ஜி வோல்ட்இ, வைபை, ப்ளூடூத்
- 2000 எம்.ஏ.ஹெச். பேட்டரி
நோக்கியாவின் பிரபல ஸ்நேக் கேம் கொண்ட புதிய நோக்கியா 8810 4ஜி மே மாதம் முதல் ஐரோப்பியாவில் விற்பனைக்கு வரும் என்றும் இதன் விலை EUR 79 (இந்திய மதிப்பில் ரூ.6,300) என நிர்ணயம் செய்யப்பட்டுள்ளது.
நோக்கியா 1:
ஹெச்.எம்.டி. குளோபல் நிறுவனத்தின் ஆண்ட்ராய்டு ஓரியோ (கோ எடிஷன்) இயங்குதளம் கொண்ட முதல் ஸ்மார்ட்போனாக நோக்கியா 1 அறிமுகம் செய்யப்பட்டுள்ளது. வார்ம் ரெட் மற்றும் டார்க் புளூ என இரண்டு நிறங்களில் கிடைக்கும் நோக்கியா 1 ஸ்மார்ட்போன் குறைந்த விலையில் அறிமுகம் செய்யப்பட்டுள்ளது.
நோக்கியா 1 சிறப்பம்சங்கள்:
- 4.5 இன்ச் 854x480 பிக்சல் FWVGA IPS டிஸ்ப்ளே
- 1.1 ஜிகாஹெர்ட்ஸ் குவாட்கோர் மீடியாடெக் MT6737M சிப்செட்
- அட்ரினோ 304 GPU
- 1 ஜிபி ரேம்
- 8 ஜிபி இன்டெர்னல் மெமரி
- மெமரியை கூடுதலாக நீட்டிக்கும் வசதி
- ஆண்ட்ராய்டு 8.1 ஓரியோ (கோ எடிஷன்)
- டூயல் சிம் ஸ்லாட்
- 5 எம்பி பிரைமரி கேமரா, எல்இடி ஃபிளாஷ்
- 2 எம்பி செல்ஃபி கேமரா
- 4ஜி வோல்ட்இ, வைபை, ப்ளூடூத்
- 2150 எம்.ஏ.ஹெச். பேட்டரி
ஐரோப்பியாவில் நோக்கியா 1 ஸ்மார்ட்போன் ஏப்ரல் மாத வாக்கில் வெளியிடப்படும் என்றும் இதன் விலை 85 டாலர்கள் (இந்திய மதிப்பில் ரூ.5,500) என நிர்ணயம் செய்யப்பட்டுள்ளது.
புதிய நோக்கியா 6:
ஹெச்.எம்.டி. குளோபல் கடந்த ஆண்டு அறிமுகம் செய்து உலகின் பல்வேறு நாடுகளில் விற்பனை செய்யப்படும் நோக்கியா 6 இம்முறை மேம்படுத்தப்பட்டிருக்கிறது. புதிய நோக்கியா 6 என அழைக்கப்படும் இந்த ஸ்மார்ட்போன் 6000 சீரிஸ் அலுமினியம் மூலம் உருவாக்கப்பட்டிருக்கிறது.
புதிய நோக்கியா 6 சிறப்பம்சங்கள்:
- 5.5 இன்ச் 1920x1080 பிக்சல் 2.5D வளைந்த கிளாஸ் டிஸ்ப்ளே
- ஆக்டாகோர் குவால்காம் ஸ்னாப்டிராகன் 430 சிப்செட்
- அட்ரினோ 505 GPU
- 3 ஜிபி / 4 ஜிபி ரேம்
- 32 ஜிபி / 64 ஜிபி இன்டெர்னல் மெமரி
- மெமரியை கூடுதலாக நீட்டிக்கும் வசதி
- ஆண்ட்ராய்டு 8.1 ஓரியோ
- டூயல் சிம் ஸ்லாட்
- 16 எம்பி பிரைமரி கேமரா, டூயல் டோன் எல்இடி ஃபிளாஷ், f/2.0
- 8 எம்பி செல்ஃபி கேமரா, f/2.0
- 4ஜி வோல்ட்இ, வைபை, ப்ளூடூத்
- 3000 எம்.ஏ.ஹெச். பேட்டரி, ஃபாஸ்ட் சார்ஜிங்
புதிய நோக்கியா 6 பிளாக், காப்பர் வைட், ஐயன் மற்றும் புளூ, கோல்டு நிறங்களில் கிடைக்கிறது. ஐரோப்பியாவில் ஏப்ரல் மாத வாக்கில் விற்பனைக்கு வரயிருக்கும் புதிய நோக்கியா 6 விலை EUR249 (இந்திய மதிப்பில் ரூ.19,810) என நிர்ணயம் செய்யப்பட்டுள்ளது.
நோக்கியா 7 பிளஸ்:
சரவ்தேச மொபைல் காங்கிரஸ் விழாவில் அதிகம் எதிர்பார்க்கப்பட்ட ஸ்மார்ட்போன்களில் ஒன்றாக நோக்கியா 7 பிளஸ் இருந்தது. ஆண்ட்ராய்டு ஓரியோ இயங்குதளம் கொண்டு இயங்கும் புதிய நோக்கியா 7 பிளஸ் 6.0 இன்ச் டிஸ்ப்ளே மற்றும் கார்னிங் கொரில்லா கிளாஸ் கொண்டிருக்கிறது.
நோக்கியா 7 பிளஸ் சிறப்பம்சங்கள்:
- 6.0 இன்ச் 2160x1080 பிக்சல் 2.5D வளைந்த கிளாஸ் டிஸ்ப்ளே
- கார்னிங் கொரில்லா கிளாஸ் 3
- ஆக்டாகோர் குவால்காம் ஸ்னாப்டிராகன் 660 சிப்செட்
- அட்ரினோ 512 GPU
- 4 ஜிபி ரேம்
- 64 ஜிபி இன்டெர்னல் மெமரி
- மெமரியை கூடுதலாக நீட்டிக்கும் வசதி
- ஆண்ட்ராய்டு 8.1 ஓரியோ
- டூயல் சிம் ஸ்லாட்
- 12 எம்பி பிரைமரி கேமரா, f/1.75, செய்ஸ் ஆப்டிக்ஸ்
- 13 எம்பி இரண்டாவது பிரைமரி கேமரா, F/2.6
- 16 எம்பி செல்ஃபி கேமரா, செய்ஸ் ஆப்டிக்ஸ்
- 4ஜி வோல்ட்இ, வைபை, ப்ளூடூத்
- 3800 எம்.ஏ.ஹெச். பேட்டரி, ஃபாஸ்ட் சார்ஜிங்
ஐரோப்பியாவில் ஏப்ரல் மாத வாக்கில் விற்பனைக்கு வரயிருக்கும் நோக்கியா 7 பிளஸ் விலை EUR399 (இந்திய மதிப்பில் ரூ.32,000) என நிர்ணயம் செய்யப்பட்டுள்ளது.
நோக்கியா 8 சிரோக்கா:
நோக்கியா 8 சிரோக்கா ஸ்மார்ட்போன் அந்நிறுவனத்தின் சக்திவாய்ந்த ஆண்ட்ராய்டு ஸ்மார்ட்போனாக இருக்கிறது. வளைந்த எட்ஜ்-டூ-எட்ஜ் டிஸ்ப்ளே மற்றும் கார்னிங் கொரில்லா கிளாஸ் 5 கொண்டு பாதுகாக்கப்பட்டுள்ளது. 6000 சீரிஸ் அலுமினியம் கொண்டு உருவாக்கப்பட்டிருக்கும் நோக்கியா 8 சிரோக்கோ டூயல் பிரைமரி கேமரா கொண்டுள்ளது.
நோக்கியா 8 சிரோக்கோ சிறப்பம்சங்கள்:
- 5.5 இன்ச் 2560x1440 பிக்சல் pOLED டிஸ்ப்ளே
- கார்னிங் கொரில்லா கிளாஸ் 5
- ஆக்டாகோர் குவால்காம் ஸ்னாப்டிராகன் 835 சிப்செட்
- அட்ரினோ 540 GPU
- 6 ஜிபி ரேம்
- 128 ஜிபி இன்டெர்னல் மெமரி
- மெமரியை கூடுதலாக நீட்டிக்கும் வசதி
- ஆண்ட்ராய்டு 8.0 ஓரியோ
- டூயல் சிம் ஸ்லாட்
- 12 எம்பி பிரைமரி கேமரா, f/1.7
- 13 எம்பி இரண்டாவது பிரைமரி கேமரா, F/2.6
- 5 எம்பி செல்ஃபி கேமரா
- கைரேகை சென்சார், பாரோமீட்டர்
- ஸ்ப்லஷ் ப்ரூஃப் (IP54)
- 4ஜி வோல்ட்இ, வைபை, ப்ளூடூத், யு.எஸ்.பி. டைப்-சி
- 3260 எம்.ஏ.ஹெச். பேட்டரி, Qi வயர்லெஸ் சார்ஜிங்
நோக்கியாவின் சக்திவாய்ந்த ஃபிளாக்ஷிப் ஸ்மார்ட்போனின் விலை EUR749 (இந்திய மதிப்பில் ரூ.60,000) என நிர்ணயம் செய்யப்பட்டுள்ளது. ஐரோப்பியாவில் இதன் விற்பனை ஏப்ரல் மாத வாக்கில் துவங்கும் என அறிவிக்கப்பட்டுள்ளது.
Next Story
×