சாம்சங் நிறுவனம் கேலக்ஸி Z போல்டு 4 மற்றும் Z ப்ளிப் 4 மடிக்கக்கூடிய ஸ்மார்ட்போன் மாடல்களின் முன்பதிவை கடந்த மாதம் இந்தியாவில் துவங்கியது. இன்று புதிய போல்டபில் ஸ்மார்ட்போன்களை வாங்க இதுவரை பலர் முன்பதிவு செய்து வருவதாக சாம்சங் நிறுவனம் அறிவித்து இருக்கிறது.
செப்டம்பர் 1 ஆம் தேதி வரையிலான காலக்கட்டத்தில் கேலக்ஸி Z ப்ளிப் 4 மற்றும் கேலக்ஸி Z போல்டு 4 மடிக்கக்கூடிய ஸ்மார்ட்போன் மாடல்கள் முன்பதிவில் ஒரு லட்சம் யூனிட்களை கடந்துள்ளதாக சாம்சங் அறிவித்துள்ளது. இத்தனை யூனிட்கள் முன்பதிவாகி இருக்கும் நிலையில், இந்தியாவில் பிரபலமான போல்டபில் சாதனங்களாக கேலக்ஸி Z ப்ளிப் 4 மற்றும் கேலக்ஸி Z போல்டு 4 உள்ளன.
இரு ஸ்மார்ட்போன்களின் விற்பனை இந்தியாவில் துவங்கி நடைபெற்று வருகிறது. புதிய சாம்சங் கேலக்ஸி Z ப்ளிப் 4 மாடலின் விலை ரூ. 89 ஆயிரத்து 999 என்றும் கேலக்ஸி Z ப்ளிப் 4 விலை ரூ. 1 லட்சத்து 54 ஆயிரத்து 999 என நிர்ணயம் செய்யப்பட்டு உள்ளது.
சாம்சங் கேலக்ஸி Z போல்டு 4 மாடலை வாங்க முன்பதிவு செய்வோருக்கு ரூ. 34 ஆயிரத்து 999 மதிப்புள்ள கேலக்ஸி வாட்ச் 4 கிளாசிக் 46 மில்லிமீட்டர் ப்ளூடூத் வெர்ஷனை ரூ. 2 ஆயிரத்து 999 விலையில் வாங்கிட முடியும்.
சாம்சங் கேலக்ஸி Z ப்ளிப் 4 வாங்குவோர் ரூ. 31 ஆயிரத்து 999 மதிப்புள்ள கேலக்ஸி வாட்ச் 4 கிளாசிக் 42 மில்லிமீட்டர் ப்ளூடூத் மாடலை ரூ. 2 ஆயிரத்து 999 விலையில் வாங்கிட முடியும்.
கூடுதலாக தேர்வு செய்யப்பட்ட வங்கி கிரெடிட் அல்ல்து டெபிட் கார்டு கொண்டு பணம் செலுத்தும் போது கேலக்ஸி Z போல்டு 4 மாடலுக்கு ரூ. 8 ஆயிரம் அப்கிரேடு போனஸ் பெறலாம். இதே சலுகையில் கேலக்ஸி Z ப்ளிப் 4 வாங்கும் போது ரூ. 7 ஆயிரம் வரை அப்கிரேடு போனஸ் வழங்கப்படுகிறது.
