இந்தியாவில் அறிமுகமான லெனோவோ டூயல் ஸ்கிரீன் லேப்டாப் - விலை எவ்வளவு தெரியுமா?

லெனோவோ இந்தியா நிறுவனம் தனது முற்றிலும் புதிய யோகாபுக் 9i மாடலை இந்திய சந்தையில் அறிமுகம் செய்தது. சர்வதேச நுகர்வோர் மின்சாதன விழா 2023-இல் அறிவிக்கப்பட்ட யோகாபுக் 9i மாடல் தற்போது இந்திய சந்தையில் அறிமுகமாகி இருக்கிறது. புதிய லெனோவோ யோகாபுக் 9i மாடலில் இன்டெல் இவோ பிளாட்ஃபார்ம், புதிய தலைமுறை இன்டெல் கோர் பிராசஸர்கள் வழங்கப்பட்டுள்ளன.

இத்துடன் இரண்டு 13.3 இன்ச் 2.8K OLED பியூர்சைட் டிஸ்ப்ளே, டால்பி விஷன் HDR சப்போர்ட் உள்ளது. இதில் உள்ள டூயல் ஸ்கிரீன் தொழில்நுட்பம் லேப்டாப், டேப்லெட் மற்றும் டென்ட் மோட் என தேவைக்கு ஏற்ப எப்படி வேண்டுமானாலும் பயன்படுத்திக் கொள்ளும் வசதியை வழங்குகிறது. மெல்லிய டிசைன் கொண்டிருப்பதால், இந்த லேப்டாப் எங்கும் பயன்படுத்தலாம்.

லெனோவோ யோகாபுக் 9i அம்சங்கள்:

2x 13.3-இன்ச் 2.8K OLED டச் ஸ்கிரீன், 400 நிட்ஸ் பிரைட்னஸ்

13th Gen இன்டெல் கோர் i7-1355U பிராசஸர்

இன்டெல் ஐரிஸ் Xe கிராபிக்ஸ்

16 ஜிபி LPDDR5X ரேம்

1 டிபி PCIe Gen 4 SSD

வின்டோஸ் 11 / வின்டோஸ் 11 ப்ரோ

2x2 வாட் + 2x1 வாட் போவர்ஸ்&வில்கின்ஸ் ஸ்பீக்கர்

டால்பி அட்மோஸ் சப்போர்ட்

FHD IR+ RGB வெப்கேமரா

பேஸ் பென் 4.0, ஃபோலியோ ஸ்டான்ட், ப்ளூடூத் கீபோர்டு

3x USB C போர்ட்கள், ப்ளூடூத் 5.2, வைபை 6E

80 வாட் ஹவர் பேட்டரி

விலை மற்றும் முன்பதிவு விவரங்கள்:

லெனோவோ யோகாபுக் 9i மாடல் டைடல் டியல் நிறத்தில் கிடைக்கிறது. இதன் விலை ரூ. 2 லட்சத்து 24 ஆயிரத்து 999 என்று நிர்ணயம் செய்யப்பட்டு உள்ளது. இந்த மாடலின் முன்பதிவு லெனோவோ வலைதளம் மற்றும் ஸ்டோர்களில் துவங்கி நடைபெற்று வருகிறது.