புது டெல்லி:
நாடு முழுவதும் உள்ள 543 பாராளுமன்ற தொகுதிகளுக்கு இன்று (ஏப்ரல் 11-ந் தேதி) தொடங்கி அடுத்த மாதம் 19-ந் தேதி வரை ஏழு கட்டங்களாக தேர்தல் நடத்தப்படுகிறது. மேலும், ஆந்திரா, அருணாசல பிரதேசம், சிக்கிம், ஒடிசா ஆகிய 4 மாநில சட்டசபைகளுக்கும் தேர்தல் அறிவிக்கப்பட்டுள்ளது.
அந்த வகையில் முதல் கட்டமாக 20 மாநிலங்களில் 91 தொகுதிகளில் முதல் கட்ட வாக்குப்பதிவு இன்று தொடங்கியது. காலை 7 மணிக்கு வாக்குப்பதிவு துவங்கிய நிலையில், மக்கள் முன்னதாகவே வாக்குப்பதிவு மையங்களுக்கு ஆர்வமுடன் வந்து தங்களது வாக்குகளை பதிவு செய்து வருகின்றனர்.
அத்துடன் ஆந்திரா, அருணாசல பிரதேசம், சிக்கிம் ஆகிய 3 மாநிலங்களின் அனைத்து தொகுதிகளுக்கும் சட்டசபை தேர்தலுக்கான வாக்குப்பதிவு இன்று ஒரே நாளில் நடக்கிறது. காலை 7 மணிக்கு துவங்கிய வாக்குப்பதிவு மாலை 6 மணி வரை நடக்கிறது. ஒரு சில இடங்களில் 4 அல்லது 5 மணி வரை வாக்குப்பதிவு நடக்கிறது.
இந்நிலையில் இன்று காலை 7 மணி முதல் 9 மணி வரையிலான வாக்குப்பதிவு நிலவரம் பின்வருமாறு:
மேற்கு வங்காளம் - 18.12%, மிசோரம் - 17.5%, சத்தீஸ்கர்-10.2%, மணிப்பூர்-15.6%, நாகாலாந்து- 21% , சகரன்பூர் -8%, கைரானா - 10%, முசாபர்நகர் - 10%, மீருட் - 10%, பிஜ்னூர் - 11%, பாக்பட்- 11%, காசியாபாத் - 12%, கவுதம் புத் நகர் - 12%, தெலுங்கானா -10.6%, அந்தமான் மற்றும் நிக்கோபார் தீவுகள்- 5.83%, அசாம் - 10.2%, அருணாசலபிரதேசம்- 13.3%, லட்சதீவுகள் - 9.83%. #LoksabhaElections2019 #Votecasting
