பியாஜியோ இந்தியா நிறுவனம் 2019 அப்ரிலியா எஸ்.ஆர். 150 ஸ்கூட்டரை இந்தியாவில் அறிமுகம் செய்துள்ளது. புதிய நிறங்களில், சில அம்சங்கள் மேம்படுத்தப்பட்டுள்ள நிலையில், ஸ்கூட்டர் புதிய தோற்றம் பெற்றிருக்கிறது. இரண்டு வெர்ஷன்களும் முன்னதாக இந்தியாவில் நடைபெற்ற ஆட்டோ எக்ஸ்போ விழாவில் அறிமுகம் செய்யப்பட்டது குறிப்பிடத்தக்கது.
அப்ரிலியா எஸ்.ஆர். 150 ஸ்கூட்டரில் அட்ஜஸ்ட் செய்யக்கூடிய ஷாக் அப்சார்பர்கள், புதிய வின்ட்ஷீல்டு மற்றும் செமி-டிஜிட்டல் கன்சோல் உள்ளிட்டவை வழங்கப்பட்டுள்ளது. 2019 அப்ரிலியா எஸ்.ஆர். 150 மாடலில் இத்தாலி நாட்டு கொடியை தழுவிய நிறங்கள் பூசப்பட்டுள்ளது.
அந்த வகையில் ஸ்கூட்டர் இம்முறை ரெட், வைட் மற்றும் கிரீன் நிறங்களில் கிடைக்கிறது. இதன் அலாய் வீல்கள் கருப்பு நிறத்தில் பூசப்பட்டுள்ளன. கூடுதலாக பியாஜியோ தனது 150 சிசி ஸ்கூட்டரின் புளு நிற வேரியன்ட் அறிமுகம் செய்தது.
இன்ஜின் அம்சங்களை பொருத்த் வரை 154.8 சிசி சிங்கிள்-சிலிண்டர், ஏர்-கூல்டு இன்ஜின் வழங்கப்பட்டுள்ளது. இந்த இன்ஜின் 10.4 பி.ஹெச்.பி. பவர், 11.4 என்.எம். டார்கியூ செயல்திறன் மற்றும் CVT யூனிட் வழங்கப்பட்டுள்ளது. ஸ்கூட்டரின் முன்புறம் டெலிஸ்கோபிக் ஃபோர்க், பின்புறம் ஹைட்ராலிக் ஷாக் அப்சார்பர் வழங்கப்பட்டுள்ளது.
பிரேக்கிங்கை பொருத்த வரை முன்புறம் ஒற்றை டிஸ்க், பின்புறம் டிரம் பிரேக் செட்டப் வழங்கப்பட்டுள்ளது. எஸ்.ஆர். 150 மாடலில் இதுவரை ஆன்டி-லாக் பிரேக்கிங் சிஸ்டம் வழங்கப்படவில்லை.
இந்தியாவில் 2019 அப்ரிலியா எஸ்.ஆர். 150 ஸ்கூட்டரின் விலை ரூ.70,031 (எக்ஸ்-ஷோரூம், டெல்லி) முதல் துவங்குகிறது. எஸ்.ஆர். 150 கார்பன் விலை ரூ.73,500 என்றும் எஸ்.ஆர். 150 ரேஸ் விலை ரூ.80,211 என நிர்ணயம் செய்யப்பட்டுள்ளது.
