search icon
என் மலர்tooltip icon

    நீங்கள் தேடியது "பிஎம்டபள்யூ"

    • பிஎம்டபள்யூ நிறுவனத்தின் 2023 பிஎம்டபள்யூ X1 மாடல் இந்திய வினியோகம் மார்ச் மாத வாக்கில் துவங்க இருக்கிறது.
    • புதிய பிஎம்டபள்யூ X1 மாடல் பெட்ரோல், டீசல் என இரண்டு பவர்டிரெயின் ஆப்ஷன்களில் கிடைக்கிறது.

    பிஎம்டபள்யூ நிறுவனம் அடுத்த தலைமுறை X1 மாடலை இந்திய சந்தையில் அறிமுகம் செய்தது. புதிய 2023 பிஎம்டபள்யூ X1 மாடலின் விலை ரூ. 45 லட்சத்து 90 ஆயிரம், எக்ஸ்-ஷோரூம் என துவங்குகிறது. புதிய X1 மாடல் ஒரு பெட்ரோல் மற்றும் ஒரு டீசல் என இருவித பவர்டிரெயின் ஆப்ஷன்களில் கிடைக்கிறது. இதில் டீசல் வேரியண்ட் வினியோகம் மார்ச் மாதத்திலும், பெட்ரோல் வேரியண்ட் வினியோகம் ஜூன் மாதத்திலும் துவங்க இருக்கிறது.

    புதிய பிஎம்டபள்யூ X1 மாடல் 1.5 லிட்டர், மூன்று சிலிண்டர்கள் கொண்ட டர்போ பெட்ரோல் என்ஜின் மற்றும் 2.0 லிட்டர், நான்கு சிலிண்டர்கள் கொண்ட டீசல் என்ஜின் ஆப்ஷன்களில் கிடைக்கிறது. இவை முறையே 136 ஹெச்பி பவர், 230 நியூட்டன் மீட்டர் டார்க் மற்றும் 150 ஹெச்பி பவர், 360 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளன.

    இரு என்ஜின்களுடன் 7 ஸ்பீடு டிசிடி ஆட்டோமேடிக் டிரான்ஸ்மிஷன் வழங்கப்படுகிறது. புதிய 2023 பிஎம்டபள்யூ X1 மாடலில் மெல்லிய எல்இடி ஹெட்லேம்ப்கள், புது எல்இடி டிஆர்எல்கள், பெரிய கிட்னி கிரில், ராப்-அரவுண்ட் எல்இடி டெயில் லைட்கள், 18 இன்ச் அலாய் வீல்கள், புதிய முன்புற மற்றும் பின்புற பம்ப்பர்கள் வழங்கப்பட்டுள்ளன.

    காரின் உள்புறம் பெரிய வளைந்த டிஸ்ப்ளே உள்ளது. இதில் இன்ஸ்ட்ரூமெண்ட் கன்சோல் மற்றும் டச் ஸ்கிரீன் இன்ஃபோடெயின்மெண்ட் சிஸ்டம் உள்ளது. இத்துடன் முற்றிலும் புதிய ஐடிரைவ் 8 ஒஎஸ் வழங்கப்பட்டு இருக்கிறது. இதன் செண்டர் கன்சோலில் ஃபுளோடிங் ஆர்ம்ரெஸ்ட், செங்குத்தாக பொருத்தப்பட்ட வயர்லெஸ் சார்ஜர் உள்ளது.

    ×