search icon
என் மலர்tooltip icon

    நீங்கள் தேடியது "Xperia XZ4"

    சோனியின் எக்ஸ்பீரியா XZ4 ஸ்மார்ட்போன் அடுத்த மாதம் அறிமுகமாகலாம் என எதிர்பார்க்கப்படும் நிலையில், இந்த ஸ்மார்ட்போனின் விவரங்கள் இணையத்தில் லீக் ஆகியுள்ளது. #Sony #smartphone



    சோனி நிறுவனம் தனது எக்ஸ்பீரியா XZ4 ஸ்மார்ட்போனினை அடுத்த மாதம் நடைபெற இருக்கும் 2019 சர்வதேச மொபைல் காங்கிரஸ் விழாவில் அறிமுகம் செய்யலாம் என எதிர்பார்க்கப்படுகிறது.

    ஏற்கனவே இந்த ஸ்மார்ட்போனின் விவரங்கள் இணையத்தில் லீக் ஆகியிருந்தது. இதைத் தொடர்ந்து ஸ்மார்ட்போனின் ஹார்டுவேர் விரங்கள் AnTuTu தளத்தில் வெளியாகியிருந்த நிலையில், தற்சமயம் இந்த ஸ்மார்ட்போன் விவரங்கள் கீக்பென்ச் வலைத்தளத்தில் லீக் ஆகியுள்ளது.

    அவ்வாறு கீக்பென்ச் தளத்தில் கிடைத்திருக்கும் தகவல்களில் புதிய சோனி ஸ்மார்ட்போன் கணிசமான புள்ளிகளை பெற்று இருக்கிறது. அந்த வகையில் இந்த ஸ்மார்ட்போன் அதிக சக்திவாய்ந்ததாக இருக்கும் என எதிர்பார்க்கலாம். புதிய எக்ஸ்பீரியா ஸ்மார்ட்போனில் ஸ்னாப்டிராகன் 855 பிராசஸர் வழங்கப்படுகிறது.

    இதுவரை வெளியாகி இருக்கும் தகவல்களில் சோனி எக்ஸ்பீரியா XZ4 ஸ்மார்ட்போனில் நாட்ச் இல்லாமல் 21:9 ரக டிஸ்ப்ளே வழங்கப்படலாம் என தெரிகிறது. இதன் டிஸ்ப்ளே தற்போதைய ஸ்மார்ட்போன்களில் வழங்கப்படுவதை விட பெரியதாக இருக்கும் என கூறப்படுகிறது.

    புதிய ஸ்மார்ட்போனில் 3.5 எம்.எம். ஆடியோ ஜாக் வழங்கப்படும் என்றும் இதன் ஃபாஸ்ட் சார்ஜிங் வசதி 46.5 வாட் வரையிலான சப்போர்ட் கொண்டிருக்கும் என கூறப்படுகிறது. இத்துடன் 8 ஜி.பி. ரேம், 256 ஜி.பி. இன்டெர்னல் மெமரி, மூன்று பிரைமரி கேமரா செட்டப் உள்ளிட்டவை வழங்கப்படலாம்.
    ×