நீங்கள் தேடியது "Triplet Festival"

சாத்தான்குளம்:

தமிழக ஆரம்ப பள்ளி ஆசிரியர் கூட்டணி சாத்தான்குளம் வட்டக்கிளை சார்பில் இயக்க உறுப்பினர்கள் கூடுகைவிழா, மகளிர் தினவிழா மற்றும் பணி நிறைவு பெற்ற ஆசிரியர்களுக்கு பாராட்டு விழா ஆகிய முப்பெரும் விழா சாத்தான்கு ளத்தில் நடைபெற்றது.

மகளிர் தினவிழாவுக்கு பேரூராட்சித்தலைவர் ரெஜினி ஸ்டெல்லா பாய் தலைமை தாங்கினார். மாவட்ட பொருளாளர் ஜெயசீலி, முன்னிலை வகித்தார். வட்டார துணைத் தலைவர் சாந்தி வரவேற்றார். தலைமை ஆசிரியை பெரியநாயகி, மாவட்ட துணைத் தலைவர் ரோஸ்லீன் அன்னலீலா, திருச்செந்தூர் டாக்டர் சிவந்தி ஆதித்தனார் பெண்கள் ஆசிரியர் பயிற்சி நிறுவன முதல்வர் மரியசெசிலி ஆகியோர் பேசினர்.

இயக்க உறுப்பினர்கள் கூடுகை மற்றும் அரசு மற்றும் அரசு உதவி பெறும் பள்ளிகளில் இருந்து பணி நிறைவு பெற்ற ஆசிரியர்க ளுக்கான பாராட்டு விழாவுக்கு வட்டார தலைவர் மாணிக்கராஜ் தலைமை தாங்கினார். மாநில செயற்குழு உறுப்பினர் அண்டனி சார்லஸ், மாவட்டத் தலைவர் கலை உடையார், கல்வி மாவட்ட அலுவலர் ராஜசேகர் ஆகியோர் முன்னிலை வகித்தனர். வட்டார செயலர் ஸ்டீபன்தாஸ் வரவேற்றார். தொடர்ந்து பணி நிறைவு பெற்ற ஆசிரியர்களை பாராட்டி நினைவு பரிசுகள் வழங்கப்பட்டது.

இதில் இயக்க மாநில பொதுச்செயலர் மயில் கலந்து கொண்டனர். தொடர்ந்து பள்ளி மாணவ, மாணவிகளின் கலை நிகழ்ச்சிகள் நடைபெற்றது. முடிவில் வட்டார துணைத் தலைவர் அந்தோணி கிறிஸ்டி ஜீவரத்தினம் நன்றி கூறினார்.