search icon
என் மலர்tooltip icon

    நீங்கள் தேடியது "thalapathi 66"

    • பீஸ்ட் படத்தைத் தொடர்ந்து விஜய் அடுத்ததாக தளபதி 66 படத்தில் நடித்து வருகிறார்.
    • இப்படத்தை இயக்குனர் வம்சி பைடிப்பள்ளி இயக்கி வருகிறார்.

    பீஸ்ட் படத்தின் வெற்றியை தொடர்ந்து தோழா உள்ளிட்ட படங்களை இயக்கிய வம்சி பைடிப்பள்ளி இயக்கும் படத்தில் விஜய் நடித்து வருகிறார். தளபதி 66 என்று தற்காலிகமாக பெயரிடப்பட்டுள்ள இப்படம் தமிழ் மற்றும் தெலுங்கு மொழிகளில் நேரடியாக வெளியாக உள்ளது. இப்படத்தைப் பிரபல தயாரிப்பாளர் தில் ராஜு தயாரிக்கிறார். இதில் விஜய்க்கு ஜோடியாக ரஷ்மிகா மந்தனா நடித்து வருகிறார். முக்கிய கதாபாத்திரத்தில் சரத்குமார், பிரபு, பிரகாஷ் ராஜ், ஷாம், ஸ்ரீகாந்த், ஜெயசுதா, சங்கீதா, சம்யுக்தா உள்ளிட்ட பல முன்னணி நடிகர்கள் நடித்து வருகின்றனர்.

    இப்படம் குடும்ப பின்னணி படமாக இருக்கும் என படக்குழு ஏற்கனவே அறிவித்திருந்தது. இதையடுத்து இப்படத்தின் படப்பிடிப்பு முழு வீச்சில் நடைபெற்று வருகிறது. சமீபத்தில் இப்படத்திற்கு தெலுங்கில் 'வாரிசுடு' என்றும் தமிழில் 'வாரிசு' என்றும் பெயரிடப்பட்டுள்ளதாக தகவல் வெளியானது.

    தளபதி 66

    தளபதி 66

    இந்நிலையில் தளபதி 66 படத்தின் ஃபர்ஸ்ட் லுக் குறித்த அதிகாரப்பூர்வ அறிவிப்பு வெளியாகி உள்ளது. அதன்படி இப்படத்தின் ஃபர்ஸ்ட் லுக் போஸ்டரை ஜூன் 21-ஆம் தேதி மாலை 6.01 மணிக்கு வெளியாகும் என படக்குழு அறிவித்துள்ளது. இதனை ரசிகர்கள் சமூக வலைத்தளத்தில் வைரலாக்கி வருகின்றனர்.


    • விஜய் நடித்து வரும் தளபதி 66 படப்பிடிப்பு விறுவிறுப்பாக நடந்து வருகிறது.
    • இப்படத்தின் தோற்றம் வலைதளத்தில் வெளியாகி வைரலானது.

    பீஸ்ட் படத்துக்கு பிறகு விஜய் தனது 66-வது படத்தில் நடித்து வருகிறார். இந்த படத்தை பிரபல தெலுங்கு இயக்குனர் வம்சி பைடிபள்ளி இயக்கி வருகிறார். இது தமிழ், தெலுங்கு மொழிகளில் தயாராகி வருகிறது. இதன் முதல்கட்ட படப்பிடிப்பை ஐதராபாத்தில் நடத்திவிட்டு பின்னர் சென்னை கானாத்தூர் அருகே அரங்குகள் அமைத்து படப்பிடிப்பை நடத்தி வந்தனர். படப்பிடிப்பை காண ரசிகர்களும், அந்த பகுதியில் உள்ள பொதுமக்களும் ஏராளமாக திரண்டனர்.

    தளபதி 66

    தளபதி 66

    படத்தின் கதை களம் மற்றும் விஜய் தோற்றத்தை படக்குழுவினர் ரகசியமாக வைத்துள்ளனர். ஆனால் யாரோ திருட்டுத்தனமாக படப்பிடிப்பில் இருந்து விஜய் தோற்றத்தை புகைப்படம் எடுத்து வலைதளத்தில் வெளியிட்டு உள்ளனர். பின்னர் படப்பிடிப்பு அரங்கு புகைப்படமும் வலைதளத்தில் வெளியாகி வைரலானது. இது படக்குழுவினருக்கு அதிர்ச்சியை ஏற்படுத்தியது. இதையடுத்து அடுத்தகட்ட படப்பிடிப்பை பொதுமக்கள் மற்றும் ரசிகர்கள் செல்ல முடியாத ஐதராபாத்தில் உள்ள திரைப்பட நகருக்கு மாற்றி உள்ளனர். 

    ×