நீங்கள் தேடியது "nilgiri news ஊட்டி நியூஸ் ஊட்டி செய்திகள்"

ஊட்டி:

பந்தலூர், மேங்கோ ரேஞ்ச், உப்பட்டி, பொ ன்னானி, நெலாக்கோட்டை கரியசோலை, பிதிர்காடு, அம்பலமூலா, அய்ய ன்கொல்லி, கொளப்பள்ளி, எருமாடு, தாளூர், சேரம்பாடி, சேரங்கோடு உள்பட பல பகுதிகளில் பலத்த மழை பெய்து வருகிறது. 

இதனால் சாலைகளிலும் கால்வாய்களிலும் மழைவெள்ளம் ஆறுபோல் ஓடுகிறது. தற்போது பந்தலூர் வருவாய் ஆய்வாளர் அலுவலகம் அருகே சாலை உடைந்து பாதாள குழியாக காட்சி அளிக்கிறது.  இதனால் போக்குவரத்து பாதிப்புகளும் ஏற்படுகிறது. 

பந்தலூர் பகுதியில் இடியுடன் பலத்த மழை பெய்தது. இதேபோல் உப்பட்டி பகுதியிலும் கனமழை பெய்தது. இதன்காரணமாக உப்பட்டி அருகே மேஸ்திரி குன்னுவில் குடியிருக்கும் ஆனந்த் என்பவரின் வீட்டின் முன்பு மண்சரிவு ஏற்பட்டது. இதனால் வீட்டின் தடுப்புச்சுவரும் மண்ணில் புதைந்தது. அப்போது வீட்டில் இருந்த அனைவரும் அங்கிருந்து வெளியேறி உயிர்தப்பினார்கள். 

தற்போது அந்த வீடு அந்தரத்தில் தொங்குகிறது. இதனால் எப்போது வேண்டுமானாலும் இடியும் நிலை ஏற்பட்டு உள்ளது. மண்சரிவு ஏற்பட்ட இடத்தை தாசில்தார் நடேசன், வருவாய் ஆய்வாளர் தேவராஜ், கிராம நிர்வாக அலுவலர் மாரிமுத்து மற்றும் அதிகாரிகள் பார்வையிட்டனர். 

ஊட்டி:

பந்தலூர் அருகே நெல்லியாளம், சேரம்பாடி, கொளப்பள்ளி, சேரங்கோடு, சிங்கோனா, பாண்டியார், நடுவட்டம் குன்னூர், கோத்தகிரி மற்றும் கோவை மாவட்டம் வால்பாறை ஆகிய பகுதிகளில் உள்ள தேயிலை தோட்டங்களில் ஆயிரக்கணக்கான தேயிலை தொழிலாளர்கள் பணியாற்றி வருகின்றனர். 

இந்த தொழிலாளர்க ளுக்கு நாள் ஒன்றுக்கு ரூ.425 சம்பளம் வழங்க ப்படும் என்று தமிழக அரசு அறிவித்தது. ஆனால் இதுவரையும் தொழிலாளர்களுக்கு அந்த சம்பளம் வழங்கப்ப டவில்லை.

எனவே தொழிலாளர்க ளுக்கு ஊதிய உயர்வை உடனே வழங்க நிர்வாகம் நடவடிக்கை எடுக்க வேண் டும். தொழிலாளர்களுக்கு வழங்க வேண்டிய சட்டபடி யான விடுப்பூதியம் மற்றும் மருத்துவ விடுப்பூதியம், பணி கொடை போன்றவை தொடர்ச்சியாக நிலுவையில் உள்ள பலன்களை உடனே வழங்க வேண்டும். 

அரசு தேயிலை தோட்டங்களில் 6 ஆயிரத்து 500 நிரந்தர தொழிலாளர்கள் பணியாற்றி வந்தனர்.  ஆனால் தற்போது 5 ஆயிரம் தொழிலாளர்கள் மட்டுமே பணியாற்றி வருகின்றனர். 1500 காலி பணியிடங்கள்  நிலுவையில் உள்ளது. அதில் தற்காலிக தொழிலாளர்களை நிரப்பி பணிநிரந்தரம் செய்ய வேண்டும். பசுந்தேயிலை பறிக்காமல் நிறுத்தி வைக்கப்பட்டுள்ள பகுதியில் மீண்டும் உடனே இலை பறிக்க ஏற்பாடு செய்ய வேண்டும் என் பது உள்பட பல்வேறு பல்வேறு கோரிக்கைகளை முன் வைத்து வருகிற 6-ந்தேதி ஒரு நாள் அடையாள வேலை நிறுத்த போராட்டம் நடக்கிறது. 

இதேபோல் பந்தலூர் பஜாரில் தொழிலாளர்களை திரட்டி   ஆர்ப்பாட்டம் மற்றும் போராட்டம் நடத்தப்படும்  என டேன்டீ அனைத்து தொழிற் சங்க கூட்டமைப்பு எல். பி.எப்.துணை பொதுசெயலாளர் மாடசாமி. பி.டபுள்யூ. யூ.சி. பொதுசெயலாளர் சுப்பிரமணியம், சி.ஐ.டி.யூ. செய லாளர்.ரமேஸ், ஐ.என்.டி.யூ. சி. நிர்வாகி லோகநாதன். ஏ.ஐ.டி.யூ.சி. தலைவர் பெரிய சாமி ஆகியோர் தெரிவித்தனர்.