என் மலர்
நீங்கள் தேடியது "tag 137777"
ட்ரூக் நிறுவனம் இந்திய சந்தையில் புதிய ட்ரூ வயர்லெஸ் இயர்பட்ஸ் மாடலை அறிமுகம் செய்து இருக்கிறது. இது முழு சார்ஜ் செய்தால் 48 மணி நேர பிளேடைம் வழங்குகிறது.
இந்திய சந்தையில் முன்னணி ஆட்யோ சாதனங்கள் உற்பத்தியாளராக விளங்கும் ட்ரூக் நிறுவனம் புதிய F1 இயர்பட்ஸ் மாடலை அறிமுகம் செய்து இருக்கிறது. முன்னதாக ட்ரூக் நிறுவனம் ட்ரூக் பட்ஸ் S2 மாடலை இந்தியாவில் அறிமுகம் செய்து இருந்தது குறிப்பிடத்தக்கது.
புதிய ட்ரூக் F1 இயர்பட்ஸ் மாடல் ப்ரோடெக்டிவ் கேஸ் மற்றும் சப்டைல் டிஜிட்டல் பேட்டரி ரீட்-அவுட் உள்ளது. இத்துடன் இன்ஸ்டண்ட் பேரிங், அதிவேக கனெக்டிவிட்டி வழங்கும் ப்ளூடூத் 5.3,, என்விரான்மெண்டல் நாய்ஸ் கேன்சலேஷன் சிஸ்டம் வழங்கப்பட்டு இருக்கிறது. இந்த இயர்பட்ஸ்-இல் கேமிங் செய்வதற்கென பிரத்யேக மோட் வழங்கப்பட்டு இருக்கிறது.
இந்த ட்ரூ வயர்லெஸ் இயர்பட்ஸ் முழு சார்ஜ் செய்தால் 48 மணி நேரத்திற்கான பிளேடைம் வழங்குகிறது. மேலும் இதில் டேப் டு கண்ட்ரோல் மற்றும் ஹை பெடிலிட்டி ஆடியோ மற்றும் AAC கோடெக் உள்ளிட்ட அம்சங்கள் வழங்கப்பட்டு உள்ளது. ட்ரூக் F1 இயர்பட்ஸ் பிளாக் மற்றும் புளூ நிறங்களில் கிடைக்கிறது. இதில் கூகுள் வாய்ஸ் அசிஸ்டண்ட் மற்றும் சிரி வசதி உள்ளது.
இந்தியாவில் புதிய ட்ரூக் பட்ஸ் F1 இயர்பட்ஸ் குறுகிய காலக்கட்டத்திற்கு ரூ. 899 விலையில் விற்பனை செய்யப்படுகிறது. அதன்பின் இதன் விலை ரூ. 1,299 என மாறி விடும்.
இந்திய ஸ்மார்ட் எலெக்ட்ரிக் சாதனங்கள் பிராண்டு ஸ்வாட் ஏர்லிட் 005 ட்ரூ வயர்லெஸ் இயர்பட்ஸ் மிக குறைந்த விலையில் அறிமுகம் செய்யப்பட்டு உள்ளது.
ஸ்மார்ட் எலெக்டிரானிக் சாதனங்களை அறிமுகம் செய்யும் பிராண்டான ஸ்வாட் இந்திய சந்தையில் ஏர்லிட் 005 (AirLIT 005) பெயரில் புது ட்ரூ வயர்லெஸ் இயர்பட்ஸ் மாடலை அறிமுகம் செய்து இருக்கிறது. புதிய ஏர்லிட் 005 இயர்பட்ஸ் மாடலில் 10 மில்லிமீட்டர் டிரைவர்கள் வழங்கப்பட்டுள்ளது.
வித்தியாசமான வடிவம் கொண்டு இருக்கும் புதிய ஸ்வாட் ஏர்லிட் 005 ட்ரூ வயர்லெஸ் இயர்பட்ஸ் காதுகளில் கச்சிதமாக பொருந்திக் கொள்ளும் வகையில் உருவாக்கப்பட்டு இருக்கிறது. இதன் காரணமாக நீண்ட நேரம் பயன்படுத்தினாலும், காதுகளுக்கு சோர்வை ஏற்படுத்தாது.
ஸ்வாட் ஏர்லிட் 005 மாடலில் இன் இயர் ரக இயர்பட் மற்றும் சிலிகான் டிப்கள் உள்ளன. இந்த இயர்பட் IPX4 ஸ்வெட் மற்றும் ஸ்பிலாஷ் ரெசிஸ்டண்ட் வசதி, ப்ளூடூத் 5.0 கனெக்டிவிட்டி, டச் கண்ட்ரோல் உள்ளது. இதை கொண்டு பாடல்களை மாற்றுவது, வால்யூம் அட்ஜஸ்ட் செய்வது மற்றும் அழைப்புகளை எளிமையாக மேற்கொள்ள முடியும். இந்த இயர்பட்ஸ் யு.எஸ்.பி. டைப் சி சார்ஜிங் கொண்டுள்ளது.
இதனை சார்ஜ் செய்தால் 5.5 மணி நேரத்திற்கான பேட்டரி பேக்கப் வழங்குகிறது. சார்ஜிங் கேஸ்-ஐ சேர்க்கும் போது மொத்தத்தில் 12 மணி நேர பேக்கப் கிடைக்கும். ஸ்வாட் ஏர்லிட் 005 ட்ரூ வயர்லெஸ் இயர்பட்ஸ் பிளாக் மற்றும் சில்வர் நிறங்களில் கிடைக்கிறது. இதன் அறிமுக விலை ரூ. 899 என நிர்ணயம் செய்யப்பட்டு உள்ளது.
சாம்சங் நிறுவனம் புதிய ரக கியர் ஐகான் எக்ஸ் இயர்பட்களை உருவாக்கும் பணிகளில் ஈடுபட்டுள்ளதாக தகவல் வெளியாகியுள்ளது. #Samsung #Earphone
சாம்சங் நிறுவனம் புதுவித கியர் ஐகான் எக்ஸ் இயர்பட்களை உருவாக்கி வருவதாக தகவல் வெளியாகியுள்ளது. முன்னதாக கியர் ஸ்போர்ட் மற்றும் கியர் ஃபிட் 2 போன்ற சாதனங்களின் மேம்பட்ட மாடலாக புதிய இயர்பட்கள் இருக்கும்.
புதிய ஐகான் எக்ஸ் இயர்பட்கள் SM-R170 என்ற மாடல் நம்பர் கொண்டிருக்கிறது. இவை கருப்பு, வெள்ளை மற்றும் மஞ்சள் என மூன்று வித நிறங்களில் கிடைக்கும் என தெரிகிறது. இயர்பட்களில் 8 ஜி.பி. இன்டெர்னல் மெமரி கொண்டிருக்கும் என கூறப்படுகிறது. அந்த வகையில் அதிகளவு மெமரி கொண்ட சாம்சங்கின் முதல் கியர் பிராண்டு இயர்போனாக புதிய இயர்பட்கள் இருக்கும்.
கேலக்ஸி வாட்ச் போன்று புதிய ஐகான் எக்ஸ் இயர்பட்களிலும் கேலக்ஸி பிராண்டிங் கொண்டிருக்கலாம். அவ்வாறு சாம்சங் சாதனங்களில் கேலக்ஸி பிராண்டிங் பரவலாக இருக்கும். புதிய இயர்பட்கள் தவிர சாம்சங் நிறுவனம் பிக்ஸ்பி வசதி கொண்ட புதிய கேலக்ஸி ஹோம் ஸ்பீக்கர்களை அறிமுகம் செய்ய இருப்பதாக தகவல் வெளியாகியுள்ளது.
புதிய ஐகான் எக்ஸ் இயர்பட்களில் சிறப்பான பேட்டரி பேக்கப் வழங்கப்படும் என கூறப்படுகிறது. ஏற்கனவே கியர் ஐகான் எக்ஸ் 2018 முந்தைய மாடலை விட அதிகளவு பேக்கப் வழங்குகிறது. இதுதவிர புதிய சாதனத்தின் சார்ஜிங் கேஸ் திறன் மேம்பட்டு இருக்கும் என கூறப்படுகிறது.
புதிய இயர்பட்களின் சிறப்பம்சங்கள் மற்றும் இதர விவரங்கள் விரைவில் வெளியாகலாம் என எதிர்பார்க்கப்படுகிறது. இவற்றின் அறிமுகம் பற்றி இதுவரை எவ்வித தகவலும் இல்லை.
சாம்சங் நிறுவனத்தின் கியர் ஐகான் எக்ஸ் இயர்பட்ஸ் சாதனம் இந்தியாவில் அறிமுகம் செய்யப்பட்டுள்ளது. இதன் விலை மற்றும் அம்சங்களை தொடர்ந்து பார்ப்போம். #GearIconX
சாம்சங் நிறுவனத்தின் கியர் ஐகான் எக்ஸ் வயர்லெஸ் இயர்பட்ஸ் இந்தியாவில் அறிமுகம் செய்யப்பட்டுள்ளது.
ஆம்பியன்ட் சவுன்ட் மற்றும் டிராக்கிங் வசதி கொண்டிருக்கும் கியர் ஐகான் எக்ஸ் 4ஜிபி மெமரி கொண்டிருப்பதால் பயனர் விரும்பும் இசையை மொபைல் போனுடன் இணைக்காமலேயே பயன்படுத்தலாம். இதுதவிர மொபைல் போன் அல்லது கம்ப்யூட்டரில் உள்ள மியூசிக் ஃபைல்களை வயர்லெஸ் முறையிலோ அல்லது யு.எஸ்.பி. கேபிள் மூலமாகவோ இயர்பட்ஸ்-க்கு ஏற்றிக் கொள்ளலாம்.
இதன்பின் டச் வசதி கொண்ட் ஜெஸ்ட்யூர் மூலம் பாடல்களை கேட்டு ரசிக்கலாம். இதன் ஈக்வலைசர் அம்சம் கொண்டு ஆடியோ ஃப்ரீக்வன்சி அளவுகளை: பாஸ் பூஸ்ட், சாஃப்ட், டைனமிக், க்ளியர் மற்றும் டிரெபிள் பூஸ் என ஐந்து வித ஆப்ஷன்களில் இருந்து தேர்வு செய்யலாம். இதனால் பயனர் விரும்பும் ஆம்பியன்ட் அனுபவத்தை பெற முடியும்.
இசையை கேட்பது மட்டுமின்றி ஐகான் எக்ஸ் கொண்டு அழைப்புகளை ஸ்டீரிபோன் தரத்தில் அனுபவிக்கலாம். இதில் இன்கமிங் அழைப்புகள், மெசேஜ்கள் மற்றும் நோட்டிஃபிகேஷன் உள்ளிட்டவையும் வழங்கப்படுகிறது. இதனுடன் சாம்சங்கின் ஸ்மார்ட் அசிஸ்டண்ட் பிக்ஸ்பி சேவையை புதிய கியர் ஐகான் எக்ஸ் சப்போர்ட் செய்கிறது.
இயர்பட் பவர் பட்டனஐ சற்று அழுத்திப்பிடித்தால் வாய்ஸ் கன்ட்ரோல் மூலம் இசையை இயக்கவோ, அழைப்புகள் மற்றும் குறுந்தகவல் உள்ளிட்டவற்றை மேற்கொள்ள முடியும். இதனால் கைகளின் உதவியின்றி இயர்பட்ஸ்-ஐ முழுமையாக இயக்கலாம். கியர் ஐகான் எக்ஸ் ஃபாஸ்ட் சார்ஜிங் வசதி கொண்டிருப்பதோடு ஐந்து மணி நேர மியூசிக் ஸ்ட்ரீமிங் வசதியும், ஏழு மணி நேரத்திற்கு மியூசிக் பிளேபேக் வரை பேக்கப் வழங்குகிறது.
சாம்சங்கின் கியர் எஸ் ஃப்ரான்டியர் அல்லது கியர் ஃபிட் 2 ப்ரோ போன்ற சாதனங்களுடன் புதிய கியர் ஐகான் எக்ஸ்-ஐ இணைக்க முடியும். இதுதவிர புதிய வயர்லெஸ் இயர்பட்ஸ்-இல் டிராக்கிங் வசதிகளும் சேர்க்கப்பட்டுள்ளது. இது நீங்கள் நடக்கும் தூரம் அல்லது ஓடிய தூரம், அதற்கான நேரம் மற்றும் உடலில் எரிக்கப்பட்ட கலோரிகள் உள்ளிட்ட விவரங்களை வழங்குகிறது.
இந்தியாவில் கருப்பு நிறத்தில் மட்டும் கிடைக்கும் சாம்சங் கியர் ஐகான் எக்ஸ் விலை ரூ.13,990 என நிர்ணயம் செய்யப்பட்டுள்ளது. இந்தியாவின் முன்னணி மின்சாதன வர்த்தகர்கள் மற்றும் ப்ளிப்கார்ட், சாம்சங் ஆன்லைன் தளங்களில் கியர் ஐகான் எக்ஸ் விற்பனை செய்யப்படுகிறது. #Samsung #GearIconX
×