நீங்கள் தேடியது "Sri Kalikumaraswamy Temple"

வீரபாண்டி :

வீரபாண்டி பலவஞ்சிபாளையத்தில் உள்ள ஸ்ரீ காளிகுமாரசுவாமி கோவில் ஆண்டுவிழா மற்றும் பொங்கல் விழா நடந்தது. காலை 6மணிக்கு பக்தர்கள் பொங்கல் வைத்தனர். தொடர்ந்து சக்தி விநாயகர் மற்றும் மாகாளியம்மன் மற்றும் காளிகுமாரசுவாமிகளுக்கு சிறப்பு அபிஷேகம் மற்றும் சிறப்பு அலங்காரம் நடைபெற்றது. மகா தீபாராதனையை தொடர்ந்து பிரசாதம் வழங்கப்பட்டது.

பின்பு மாலை 4மணி முதல் ஸ்ரீ செல்வ விநாயகர் கோவிலில் விக்னேஷ்வர பூஜை,கணபதி ஹோமம், அபிஷேகம் நடைபெற்றது. பின்னர் ஸ்ரீ கருப்பராயன் கோவிலில் விக்னேஷ்வர பூஜை, மூல மந்திர ஹோமம், மற்றும் அபிஷேகம் நடந்தது. முடிவில் ஸ்ரீ காளிகுமாரசுவாமி கோவிலில் விக்னேஷ்வர பூஜை, மூல மந்திர ஹோமம், சிறப்பு அபிஷேகம் நடைபெற்றது. சுற்றுவட்டார பகுதி பக்தர்கள் திரளாக பங்கேற்று சாமி தரிசனம் செய்தனர். அனைவருக்கும் அன்னதானம் வழங்கப்பட்டது.