search icon
என் மலர்tooltip icon

    நீங்கள் தேடியது "small onion sambar"

    இட்லி, தோசை, சாதத்திற்கு தொட்டுக்கொள்ள சின்ன வெங்காய சாம்பார் சூப்பராக இருக்கும். இன்று இந்த சாம்பார் செய்வது எப்படி என்று பார்க்கலாம்.
    தேவையான பொருள்கள் :

    துவரம் பருப்பு - 150 கிராம்
    சின்ன வெங்காயம் - 100
    தக்காளி - 3
    சாம்பார் பொடி - 2 ஸ்பூன்
    புளி, உப்பு, எண்ணெய் - தேவையான அளவு
    சீரகம், வெந்தயம் தலா - 1 ஸ்பூன்
    கடுகு, கறிவேப்பிலை - சிறிதளவு
    பெருங்காயத்தூள், கொத்தமல்லி இலை - தேவையான அளவு



    செய்முறை :

    பருப்புடன் சீரகம், வெந்தயம், பெருங்காயத்தூள் சேர்த்து குக்கரில் வேக விடவும். பருப்பு நன்றாக வெந்தவுடன் நன்றாக கடைந்து வைக்கவும்.

    சின்ன வெங்காயத்தை தோல் உரித்து வைக்கவும்.

    புளியை சிறிது தண்ணீர் சேர்த்து கரைத்து கொள்ளவும்.

    தக்காளி, கொத்தமல்லியை பொடியாக நறுக்கி வைக்கவும்.

    கடாயில் எண்ணெய் விட்டு காய்ந்ததும் கடுகு, கறிவேப்பிலை போட்டு தாளித்த பின்னர் சின்ன வெங்காயத்தை போட்டு வதக்கவும்.

    சின்ன வெங்காயம் சற்று வதங்கியதும் தக்காளியும் சேர்த்து வதக்கவும்.

    தக்காளி நன்றாக வதங்கியதும் புளித்தண்ணீர் விட்டு சாம்பார் பொடி, உப்பு சேர்த்து வெந்த பருப்பு சேர்த்து நன்கு கொதிக்க வைத்து கடைசியாக கொத்தமல்லி இலை தூவி இறக்கவும்.

    சூப்பரான சின்ன வெங்காய சாம்பார் ரெடி.

    - இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.
    ×