நீங்கள் தேடியது "கோவில் திருவிழா"

மாரண்டஅள்ளி

தருமபுரி மாவட்டம், மாரண்டஅள்ளி இ.பி. காலனியில் அமைந்துள்ள ஸ்ரீ ஷீரடி சாய்பாபா கோவில் 7- ம் ஆண்டு திருவிழா நடைபெற்றது. இந்நிகழ்ச்சி மங்கல இசையுடன் தொடங்கி காலை 7 மணி முதல் 10 மணி வரை பால் அபிஷேகம் மற்றும் சிறப்பு பூஜைகள் நடைபெற்றது. பின்னர் ஸ்ரீ ராம நவமி கொண்டாடப்பட்டது. மதியம் 12 மணி அளவில் மகா மங்கள ஆர்த்தி மற்றும் தீர்த்த பிரசாதம் வழங்கப்பட்டது.

இதனை தொடர்ந்து பக்தர்கள் அனைவருக்கும் அன்னதானம் வழங்கப்ப ட்டது. மாலை 4 மணி அளவில் மங்கல இசையுடன் மேளதாளங்கள் முழங்க முக்கிய வீதிகளான நான்கு ரோடு, பஸ் நிலையம், பைபாஸ் ரோடு, சத்திரம் தெரு, உள்ளிட்ட பகுதிகளில் ஷீரடி சாய்பாபா உற்சவம் மற்றும் வீதி உலா ஊர்வலம் நடைபெற்றது. அது சமயம் ஊர் பொதுமக்கள் தேங்காய் பூ பழம் படைத்து பாபாவை தரிசனம் செய்தனர்.

பர்கூர்,

கிருஷ்ணகிரி மாவட்டம், பர்கூர் கணேஷ் நகர் ஸ்ரீ அரசமரத்து மகாமாரியம்மன் கோவில் 20- ஆம் ஆண்டு திருவிழா வெகு விமர்சையாக நடைபெற்றது.

கடந்த 9-தேதி கணபதி யாகத்துடன் விழா தொடங்கியது. அம்மனுக்கு விரத காப்பு கட்டுதல், பால்குடம் எடுக்கும் சுமங்கலி பெண்களுக்கு விரத காப்பு கட்டுதல், அம்மனுக்கு கூழ் ஊற்றுதல், ஆகிய நிகழ்ச்சிகள் நடந்தது. ஆலயத்தில் உள்ள முத்தாரம்மன், பிரித்தியங்கரா தேவி, ஸ்ரீ வராகி அம்மன், நாகராஜன், நாகக்கன்னி, ஆகிய பரிவார தெய்வங்களுக்கும் அபிஷேக ஆராதனைகளும் சிறப்பு பூஜைகளும் நடைபெற்றது.

பாரத கோயிலில் இருந்து மங்கள வாத்தியம் பம்பை இசை முழங்க பக்தர்கள் பால்குட ஊர்வலம் நடைபெற்றது. மேலும் அம்மனுக்கு பால் அபிஷேகம், செய்து சிறப்பு பூஜைகள், அபிஷேக ஆராதனைகள் செய்யப்பட்டத. அம்மன் சிறப்பு அலங்காரத்தில் பக்தர்களுக்கு அருள் பாலித்தார்.

பர்கூர் சுற்றியுள்ள பகுதிகளில் இருந்து ஏராளமான பக்தர்கள் கலந்து கொண்டு அம்மனை தரிசனம் செய்தனர். இதனையடுத்து பக்தர்களுக்கு அன்னதான பிரசாதம் வழங்கப்பட்டது.