Live
என் மலர்tooltip icon
      முகப்பு » யூடியூப் முடக்கம்

      நீங்கள் தேடியது "யூடியூப் முடக்கம்"

      category icon அறிந்து கொள்ளுங்கள்
      Something went wrong: உலகம் முழுவதும் பல இடங்களில் Youtube தளம் முடக்கம்!

      Something went wrong: உலகம் முழுவதும் பல இடங்களில் Youtube தளம் முடக்கம்!

      • சுமார் 2,40,000-க்கும் மேற்பட்ட புகார்கள் பதிவாகின.
      • முழுமையான தீர்வை எட்ட இன்னும் பணிகள் நடப்பதாக யூடியூப் தெரிவித்துள்ளது.

      பிரபல வீடியோ ஸ்ட்ரீமிங் தளம் மற்றும் செயலியான யூடியூப் உலகின் பல்வேறு இடங்களில் இன்று அதிகாலை முதல் தொழில்நுட்ப கோளாறால் முடங்கியது.

      அமெரிக்காவில் மட்டும் சுமார் 2,40,000-க்கும் மேற்பட்ட புகார்கள் பதிவாகின. இந்தியாவில் சுமார் 19,000-க்கும் அதிகமான பயனர்கள் யூடியூப் பயன்படுத்தமுடியவில்லை என தெரிவித்துள்ளனர்.

      "Something went wrong" என்று மட்டுமே திரையில் தோன்றுவதால் பயனர்கள் அவதியுற்றனர்.

      56% பயனர்கள் செயலி இயங்கவில்லை என்றும், 17% பயனர்களால் இணையதளத்தில் யூடியூப் பயன்படுத்த முடியவில்லை என்றும் தெரிவித்துள்ளனர். யூடியூப் டிவியிலும் ஒளிபரப்பில் தடை ஏற்பட்டுள்ளது.

      யூடியூப் Recommendation அமைப்பில் ஏற்பட்ட கோளாறு காரணமாக முகப்புப் பக்கம் மற்றும் தேடல் முடிவுகளில் வீடியோக்கள் தோன்றுவதில் சிக்கல் ஏற்பட்டது" என்று யூடியூப் நிறுவனம் தெரிவித்துள்ளது.

      தற்போது பல இடங்களில் முகப்புப் பக்கம் மீண்டும் செயல்படத் தொடங்கியுள்ள போதிலும், முழுமையான தீர்வை எட்ட இன்னும் பணிகள் நடந்து வருவதாக யூடியூப் தரப்பில் தெரிவிக்கப்பட்டுள்ளது.  

      யூடியூப் யூடியூப் முடக்கம் YouTube DOWN 
      category icon செய்திகள்
      ஒரு மணிநேரத்திற்கு பிறகு மீண்டும் செயல்படத் தொடங்கியது யூடியூப்
      சென்னை

      ஒரு மணிநேரத்திற்கு பிறகு மீண்டும் செயல்படத் தொடங்கியது யூடியூப்

      உலகம் முழுவதும் சுமார் ஒரு மணிநேரத்திற்கும் மேலாக முடங்கிக் கிடந்த யூடியூப் இணையதளம் மீண்டும் செயல்படத் தொடங்கியது. #YouTubeDOWN #YouTube
      தொழில்நுட்ப குறைபாடு காரணமாக கடந்த ஒரு மணிநேரத்திற்கும் மேலாக முடங்கிக் கிடந்த யூடியூப் இணையதளம் மீண்டும் செயல்படத் துவங்கியது.

      சர்வரில் ஏற்பட்ட தொழில்நுட்ப கோளாறால் உலகம் முழுவதும் யூடியூப் சேவை முடங்கிய நிலையில், தொழில்நுட்ப வல்லுநர்களின் முயற்சியை அடுத்து பழுது சரி செய்யப்பட்டுள்ளது. இதையடுத்து யூடியூப் இணையதளம் மீண்டும் இயங்கத் தொடங்கியதாக யூடியூப் நிறுவனம் அறிவித்துள்ளது.

      இதுகுறித்து யூடியூப் அதன் ட்விட்டர் பக்கத்தில், நாங்கள் மீண்டும் வந்துவிட்டோம். பொறுமையுடன் காத்திருந்த அனைவருக்கும் நன்றி.  எவருக்கேனும் பிரச்சனை இருப்பின் தயைகூர்ந்து எங்களிடம் தெரிவிக்கவும். இவ்வாறு குறிப்பிட்டுள்ளது. #YouTubeDOWN #YouTube

      YouTube DOWN YouTube Technical Issues  யூடியூப் முடக்கம் தொழில்நுட்பக் குறைபாடு 
      category icon செய்திகள்
      தொழில்நுட்ப குறைபாடு - உலகம் முழுக்க யூடியூப் இணையதளம் முடக்கம்
      சென்னை

      தொழில்நுட்ப குறைபாடு - உலகம் முழுக்க யூடியூப் இணையதளம் முடக்கம்

      தொழில்நுட்பக் குறைபாடு காரணமாக பிரபல சமூக வலைதளமான யூடியூப் இணையதளம் முடங்கியுள்ளதால் அதனை சரிசெய்யும் பணியில் தொழில்நுட்ப வல்லுநர்கள் ஈடுபட்டுள்ளனர். #YouTubeDOWN #YouTube
      கூகுளின் பிரபல சமூக வலைதளமான யூடியூப் தொழில்நுட்ப கோளாறு காரணமாக முடங்கியது.

      இண்டர்நெட்டில் தெரியாத தகவல்களை தேடி தெரிந்து கொள்வதை போன்று, வீடியோக்களை பார்த்து பல விஷயங்களை தெரிந்து கொள்ள வழி செய்யும் சேவை தான் யூடியூப். பொழுதுபோக்கில் துவங்கி செய்திகள், மற்றும் பல்வேறு தகவல்களை யூடியூப் மூலம் நாம் தினமும் பார்த்து தெரிந்து கொள்ளலாம்.

      உலகம் முழுக்க யூடியூப் பயன்படுத்துவோரின் எண்ணிக்கையும் நாளுக்கு நாள் அதிகரித்து வருகிறது. இந்த நிலையில், தொழில்நுட்ப குறைபாடு காரணமாக யூடியூப் இணையதளம் முடங்கியுள்ளதாக அந்நிறுவனம் அறிவித்துள்ளது.



      சர்வர் பிரச்சனையால் யூடியூப் முடங்கியதாக தகவல் வெளியாகி இருக்கிறது. இதுகுறித்து யூடியூப் நிறுவனம் அதன் ட்விட்டர் பக்கத்தில் தெரிவித்துள்ளதாவது,

      யூடியூப் வேலை செய்யாதது குறித்த உங்களது தகவலுக்கு நன்றி. யூடியூப் டிவி மற்றும் யூடியூப் மியூசிக்கை பயன்படுத்துவதில் சிக்கல் ஏற்பட்டுள்ளது. தொழில்நுட்ப பிரச்சனை காரணமாக ஏற்பட்ட குறைபாட்டை சரி செய்யும் பணி விரைந்து நடந்து வருகிறது. விரைவில் சரிசெய்யப்படும், தடங்கல்களுக்கு வருந்துகிறோம்.

      இவ்வாறு கூறியுள்ளது. #YouTubeDOWN #YouTube

      YouTube DOWN YouTube Technical Issues  யூடியூப் முடக்கம் தொழில்நுட்பக் குறைபாடு 
      ×
        X