நீங்கள் தேடியது "safe deposit box"

நாமக்கல்:

தமிழக அரசின் தொழிலாளா் நலன் மற்றும் மேம்பாட்டுத் துறை சாா்பில், அமைப்புசாரா ஓட்டுநா்கள், தானியங்கி மோட்டாா் வாகனங்கள் பழுதுபாா்க்கும் தொழிலாளா்களுக்கான பாது காப்புப் பெட்டகம் வழங்கப்படுகிறது. இந்த பெட்டகத்தில் சீருடை, காலணி, மருந்துப் பெட்டி உள்ளிட்டவை இடம்பெற்றுள்ளன. அனைத்து மாவட்டங்களிலும் இந்த பாதுகாப்புப் பெட்டகம் வழங்கப்பட்டு வருகின்றன.

அதன்படி, நாமக்கல் கலெக்டர் அலுவலகம் அருகில் உள்ள தொழிலாளா் நலத்துறை அலுவலகத்தில், தொழிலாளா் நலன் உதவி ஆணையா் (அம லாக்கம்) திருநந்தன் தொடங்கி வைத்தாா். 10 ஆயிரத்து65 தொழி லாளா்களுக்கு தொடா்ந்து 10 நாள்களுக்கு இந்த பாதுகாப்புப் பெட்டகம் வழங்கப்பட இருப்பதாக அவா் தெரிவித்தாா்.

அரியலூர்,

அரியலூர் ராஜாஜி நகரிலுள்ள தமிழ்நாடு அமைப்புச்சாரா தொழிலாளர் நல வாரிய அலுவலகத்தில், தொழிலாளர் மற்றும் திறன் மேம்பாட்டுத் துறை சார்பில் அமைப்பு சாரா ஓட்டுநர்கள் மற்றும் தானியங்கி மோட்டர் வாகனங்கள் பழுது பார்க்கும் தொழிலாளர்களுக்கு பாதுகாப்பு பெட்டகம் வழங்கும் நிகழ்ச்சி நடைபெற்றது.

இந்நிகழ்ச்சிக்கு, தொழிலாளர் நல உதவி ஆணையர் (சமூக பாதுகாப்பு திட்டம்) கு.விமலா கலந்து கொண்டு தொழிலாளர்களுக்கு சீருடை, ஷூ, முதலுதவிப் பெட்டி உள்ளிட்டவைகள் அடங்கிய பாதுகாப்பு பெட்டகத்தை வழங்கி, அனைத்து தொழிலாளர்களும் பாதுகாப்புடன் பணியாற்ற வேண்டும் என்று கேட்டுக்கொண்டார்.

நிகழ்ச்சியில் உரிமைக்குரல் ஓட்டுநர் தொழிற்சங்க அமைப்புச்சாரா ஓட்டுநர் சங்க மாவட்டச் செயலாளர் அப்பாஸ், பொருளாளர் கொளஞ்சியப்பன், இணைச் செயலாளர் ராஜ்குமார், செய்தித் தொடர்பாளர் அப்துல்ரஹீப், அமைப்புச்சார ஓட்டுநர் அணியைச் சேர்ந்த க.பாபு, மாவட்ட ஆலோசகர் சகானா, காமராஜ் உள்ளிட்டோர் கலந்து கொண்டனர்.