search icon
என் மலர்tooltip icon

    நீங்கள் தேடியது "nethili meen poriyal"

    தயிர் சாதம், சாம்பார் சாதத்திற்கு தொட்டுக்கொள்ள அருமையாக இருக்கும் இந்த நெத்திலி மீன் பொரியல். இன்று இதன் செய்முறையை பார்க்கலாம்.
    தேவையான பொருட்கள் :

    நெத்திலி மீன் - 1/2 கிலோ,
    நல்லெண்ணெய் - 5 டேபிள்ஸ்பூன்,
    கடுகு, சீரகம் - தலா 1/2 டீஸ்பூன்,
    காய்ந்தமிளகாய் - 5,
    சாம்பார் வெங்காயம் - 6,
    பச்சைமிளகாய் - 2,
    இடிச்ச பூண்டு - 5 பல்,
    தேங்காய்த்துருவல் - 1/2 கப்,
    தனியாத்தூள், சீரகத்தூள் - தலா 1 டீஸ்பூன்,
    மிளகுத்தூள், கொத்தமல்லி - சிறிது,
    உப்பு -  தேவைக்கு.



    செய்முறை :

    நெத்திலி மீனை நன்றாக சுத்தம் செய்து வைக்கவும்.

    கொத்தமல்லி, வெங்காயத்தை பொடியாக நறுக்கி கொள்ளவும்.

    கடாயை அடுப்பில் வைத்து எண்ணெய் ஊற்றி சூடானதும் கடுகு, சீரகம், காய்ந்த மிளகாய் போட்டு தாளித்த பின்னர் சின்ன வெங்காயம், ப.மிளகாய், இடிச்ச பூண்டு சேர்த்து வதக்கவும்.

    அடுத்து அதில் தனியாத்தூள், சீரகத்தூள், மிளகுத்தூள், உப்பு சேர்த்து வதக்கவும்.

    அடுத்து அதில் தேங்காய்த்துருவல், நெத்திலி மீன், சிறிது தண்ணீர் சேர்த்து வேகவைத்து கொத்தமல்லி தூவி இறக்கி பரிமாறவும்.

    சூப்பரான நெத்திலி மீன் பொரியல் ரெடி.

    - இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.
    ×