நீங்கள் தேடியது "Mohammad Sadak"

ராமநாதபுரம்

ராமநாதபுரம் மாவட்ட கலெக்டர் அலுவலக வளாகத்தில் உள்ள முகமது சதக் தஸ்தகீர் பள்ளியில் 13-ம் ஆண்டு விழா நடந்தது. பள்ளி முதல்வர் சேகர், கல்வியியல் கல்லூரி சோமசுந்தரம், சி.பி.எஸ்.இ. பள்ளி முதல்வர் ஆலியா ஆகியோர் தலைமை தாங்கினர். சிறப்பு விருந்தினராக மணிகண்டன் கலந்து கொண்டார். மாணவ-மாணவிகளின் கலை நிகழ்ச்சிகள் நடந்தது. 10ம் வகுப்பு, 12ம் வகுப்பு பொதுத்தேர்வில் முதல் 3 இடங்களை பிடித்த மாணவ, மாணவிகளுக்கு பரிசு மற்றும் சான்றிதழ் வழங்கப்பட்டன.

முன்னதாக நடந்த விளையாட்டு விழாவில் சிறப்பு விருந்தினராக போலீஸ் கமிஷனர் பொன்தேவி கலந்து கொண்டார்.சிலம்பம், கராத்தே, யோகா, அம்பு எய்தல் உள்ளிட்ட 13 வகையான விளையாட்டுகளில் மாணவர்கள் திறமையை வெளிப்படுத்தினர்.போட்டிகளில் வெற்றி பெற்ற மாணவ-மாணவிகளுக்கு சான்றிதழ்கள், பதக்கங்களும் வழங்கப்பட்டது. ஏராளமான பெற்றோர்கள் விழாவில் பங்கேற்றனர்.