search icon
என் மலர்tooltip icon

    நீங்கள் தேடியது "Major League Soccer"

    அமெரிக்காவில் நடைபெறும் மேஜர் லீக் சோஸரின் சிறந்த புதுமுக வீரராக இப்ராஹிமோவிச் தேர்வு செய்யப்பட்டுள்ளார். ரூனே 2-வது இடத்தை பிடித்துள்ளார். #MLS #LAGalaxy
    இங்கிலீஷ் பிரிமீயர் லீக், லா லிகா, லீக் 1, செரி ஏ போன்று அமெரிக்காவில் மேஜர் லீக் சோஸர் கால்பந்து லீக் நடத்தப்பட்டு வருகிறது. ஐரோப்பிய நாடுகளில் நடத்தப்படும் லீக் தொடரில் விளையாடும் பிரபலமான வீரர்கள், 30 வயதிற்குப் பிறகு ஆட்டத்திறன் குறையும்போது மேஜர் லீக் சோஸரில் பங்கேற்பது இயல்பு.

    அப்படித்தான் இந்த ஆண்டு இப்ராஹிமோவிச், ரூனே ஆகியோர் மேஜர் லீக்கில் கலந்து கொண்டு விளையாடி வருகிறார். இதில் இப்ராஹிமோவிச் 22 கோல்கள் அடித்துள்ளார். 20 கோல் அடிக்க உதவி புரிந்துள்ளார். இதனால் சிறந்த புதுமுக வீரராக தேர்வு செய்யப்பட்டுள்ளார்.



    எல்ஏ கேலக்சி அணிக்காக விளையாடி வரும் இப்ராஹிமோவிச்சிற்கு 36.36 சதவீத வாக்குகளும், டிசி யுனைடெட் அணிக்காக விளையாடி வரும் ரூனே 32.25 சதவீத வாக்குகளம் பெற்றனர்.
    அமெரிக்காவில் நடைபெற்று வரும் மெகா லீக் சோஸர் லீக்கில் ஸ்வீடன் வீரர் இப்ராஹிமோவிச் ஹாட்ரிக் கோல் அடித்து அணியை வெற்றி பெற வைத்தார். #MLS
    அமெரிக்காவில் மெகா லீக் சோஸர் என்ற பெயரில் கால்பந்து லீக் தொடர் நடைபெற்று வருகிறது. ஐரோப்பா நாடுகளில் நடத்தப்படும் கால்பந்து லீக்கில் நீண்ட காலம் விளையாடிய பின்னர், சுமார் 30 வயதிற்குப் பின் முன்னணி வீரர்கள் மெகா லீக் சோஸரில் விளையாடுவது வழக்கம்.

    அந்த வகையில் ஸ்வீடன் நாட்டின் தலைசிறந்த வீரர் ஸ்லாடன் இப்ராஹிமோவிச் எல்ஏ கேலக்சி அணிக்காக விளையாடி வருகிறார். இன்று நடைபெற்ற ஒரு ஆட்டத்தில் எல்ஏ கேலக்சி ஓர்லாண்டோ சிட்டியை எதிர்கொண்டது.



    முதல் 54 நிமிடத்தில் ஓர்லாண்டோ சிட்டி 3-2 என முன்னிலைப் பெற்றிருந்தது. எல்ஏ கேலக்சி அணிக்காக இப்ராஹிமோவிச் 47-வது நிமிடத்தில் கோல் அடித்திருந்தார். அதன்பின் அபாரமான ஆட்டத்தை வெளிப்படுத்திய இவர் 67-வது நிமிடத்திலும், 71-வது நிமிடத்திலும் அடுத்தடுத்து கோல் அடித்து அசத்தினார். இதன்மூலம் எல்ஏ கேலக்சி 4-3 என வெற்றி பெற்றது.



    எல்ஏ கேலக்சி அணிக்காக இப்ராஹிமோவிச் 17 போட்டிகளில் விளையாடி 15 கோல்கள் அடித்துள்ளார்.
    இங்கிலாந்து கால்பந்து அணியின் முன்னாள் வீரரான வெயின் ரூனே ரத்தம் சொட்ட சொட்ட அமெரிக்காவில் நடைபெற்ற போட்டியில் விளையாடினார். #Rooney
    அமெரிக்காவில் நடைபெறும் கால்பந்து லீக் தொடருக்கு மேஜர் லீக் சோஸர் (Major League Soccer-MLS) என்று பெயர். இங்கிலாந்து அணியின் முன்னணி வீரராக திகழ்ந்த வெயின் ரூனே மான்செஸ்டர் அணியில் இருந்து எவர்டென் அணிக்கு மாறினார். தற்போது எவர்டென் அணியில் இருந்து அமெரிக்காவில் நடைபெறும் மேஜர் லீக் சோஸருக்கு மாறியுள்ளார். இங்கு டிசி யுனைடெட் அணிக்காக விளையாடி வருகிறார்.

    இன்று நடைபெற்ற ஆட்டம் ஒன்றில டிசி யுனைடெட் கோலோராடோ அணியை எதிர்த்து விளையாடியது. ஆட்டத்தின் 33-வது நிமிடத்தில் வெயின் ரூனே முதல் கோலை பதிவு செய்தார். 82-வது நமிடத்தில் கோலோராடோ பதில் கோல் அடிக்க ஸ்கோர் சமநிலை பெற்றது. 90-வது நிமிடத்தில் ஓன் கோல் மூலம் டிசி யுனைடெட்டிற்கு கோல் கிடைக்க 2-1 என வெற்றிபெற்றது.



    இந்த போட்டியின்போது 90-வது நிமிடத்திற்குப் பிறகு இன்ஜூரி நேரம் கொடுக்கப்பட்டது. அப்போது பந்தை தடுக்க முயன்றபோது ரூனேயின் மூக்கில் காயம் ஏற்பட்டது. இதனால் ரத்தம் சொட்டியது. சிறிது நேரம் ரத்தம் சொட்ட சொட்ட விளையாடிய ரூனே பின்னர் வேளியேறினார். காயத்திற்கு சிகிச்சை மேற்கொண்ட பிறகு, மீண்டும் விளையாடி களம் இறங்கினார்கள்.



    32-வது நிமிடத்தில் கோல் அடித்ததன் மூலம் ரூனே தனது 4-வது போட்டியில் டிசி யுனைடெட் அணிக்காக முதல் கோலை பதிவு செய்துள்ளார்.
    இங்கிலாந்து அணியின் முன்னணி கால்பந்து வீரரான வெயின் ரூனே அமெரிக்காவின் மேஜர் லீக் சோசரில் விளையாடுவதற்கு ஒப்பந்தம் செய்துள்ளார். #WayneRooney
    இங்கிலாந்து அணியின் முன்னணி வீரராக திகழ்ந்தவர் வெயின் ரூனே. இங்கிலாந்து அணிக்காகவும், பிரிமீயர் லீக்கில் மான்செஸ்டர் யுனைடெட் அணிக்காகவும் அதிக கோல் அடித்த வீரர் என்ற சாதனையை தன்வசமாக்கியுள்ளார்.

    இவர் 2002 - 2004-ம் ஆண்டு வரை எவர்டன் அணிக்காக விளையாடினார். அதன்பின் 2017 வரை சுமார் 13 வருடங்கள் மான்செஸ்டர் யுனைடெட் அணிக்காக விளையாடினார். கடந்த சீசனில் தாய் கிளப்பான எவர்டனுக்கு திரும்பினார்.



    இந்நிலையில் அமெரிக்காவில் நடத்தப்படும் மேஜர் லீக் சோசருக்கு செல்கிறார். இந்த தொடரில் இடம்பிடித்துள்ள டிசி யுனைடெட் அணியுடன் ரூனே ஒப்பந்தம் செய்துள்ளார்.

    32 வயதாகும் ரூனே மான்செஸ்டர் யுனைடெட் அணிக்காக 393 போட்டிகளில் விளையாடி 183 கோல்கள் அடித்துள்ளார். இங்கிலாந்து அணிக்காக 119 போட்டிகளில் விளையாடி 53 கோல் அடித்துள்ளார்.
    ×