search icon
என் மலர்tooltip icon

    நீங்கள் தேடியது "HMD Golbal"

    • நோக்கியா 106 மாடலில் 1450 எம்ஏஹெச் பேட்டரி வழங்கப்பட்டு இருக்கிறது.
    • நோக்கியா 106 மாடலில் இன்பில்ட் MP3 பிளேயர், ப்ளூடூத் 5 கனெக்டிவிட்டி உள்ளது.

    இந்திய சந்தையில் நோக்கியா 105 (2023) மற்றும் நோக்கியா 106 4ஜி மொபைல் போன்கள் அறிமுகம் செய்யப்பட்டது. புதிய நோக்கியா போன்களில் தேசிய பேமண்ட் கார்ப்பரேஷனின் 123PAY சப்போர்ட் உள்ளது. இதை கொண்டு யுபிஐ மூலம் டிஜிட்டல் பண பரிவர்த்தனைகளை மேற்கொள்ள முடியும். இதில் வயர்லெஸ் எஃப்எம் வசதியும் வழங்கப்பட்டு உள்ளது.

    நோக்கியா 105 மற்றும் நோக்கியா 106 4ஜி மாடல்களில் 1.8 இன்ச் QQVGA டிஸ்ப்ளே மற்றும் பாலிகார்போனேட் நானோ பில்டு கொண்டிருக்கிறது. இத்துடன் IP52 தரச் சான்று பெற்ற வாட்டர் ரெசிஸ்டண்ட் வசதி கொண்டிருக்கிறது. நோக்கியா 105 மாடலில் 1000 எம்ஏஹெச் பேட்டரியும், நோக்கியா 106 மாடலில் 1450 எம்ஏஹெச் பேட்டரி வழங்கப்பட்டு இருக்கிறது.

     

    இரு மாடல்களிலும் வயர்டு மற்றும் வயர்லெஸ் முறையில் இயங்கும் எஃப்எம் ரேடியோ, 3.5mm ஹெட்போன் ஜாக் மற்றும் மைக்ரோ யுஎஸ்பி போர்ட் வழங்கப்பட்டு இருக்கிறது. இத்துடன் இன்பில்ட் யுபிஐ 123PAY சப்போர்ட் வழங்கப்பட்டுள்ளது. இதை கொண்டு பயனர்கள் இணைய வசதி இல்லாமல், யுபிஐ மூலம் பணம் அனுப்ப முடியும்.

    நோக்கியா 106 மாடலில் இன்பில்ட் MP3 பிளேயர், ப்ளூடூத் 5 கனெக்டிவிட்டி, வாய்ஸ் ரெக்கார்டர், மைக்ரோ எஸ்டி கார்டு ஸ்லாட் வழங்கப்பட்டு உள்ளது. நோக்கியா 105 மாடலில் உள்ள 1000 எம்ஏஹெச் பேட்டரி, 12 மணி நேரத்திற்கு டாக்டைம் வழங்குகிறது. நோக்கியா 106 4ஜி மாடலில் உள்ள 1450 எம்ஏஹெச் பேட்டரி, 8 மணி நேரத்திற்கு டாக்டைம் வழங்குகிறது.

    நோக்கியா 105 மாடல் சார்கோல், சியான் மற்றும் ரெட் டெரகோட்டா என மூன்று நிறங்களில் கிடைக்கிறது. இதன் விலை ரூ. 1299 என்று நிர்ணயம் செய்யப்பட்டு உள்ளது. நோக்கியா 106 4ஜி மாடல் சார்கோல் மற்றும் புளூ நிறங்களில் கிடைக்கிறது. இதன் விலை ரூ. 2 ஆயிரத்து 199 என்று நிர்ணயம் செய்யப்பட்டு உள்ளது. 

    ஹெச்.எம்.டி. குளோபல் நிறுவனம் விரைவில் இந்திய சந்தையில் புதிய நோக்கியா ஸ்மார்ட்போனினை அறிமுகம் செய்ய இருப்பதாக தகவல் வெளியாகியுள்ளது. #NokiaMobile
    ஹெச்.எம்.டி. குளோபல் நிறுவனம் நோக்கியா 7.1 ஆன்ட்ராய்டு ஒன் ஸ்மார்ட்போனினை இம்மாத துவக்கத்தில் லண்டனில் அறிமுகம் செய்தது.

    இந்நிலையில், நோக்கியா 7.1 ஸ்மார்ட்போன் இந்திய சந்தையில் நவம்பர் மாத வாக்கில் அறிமுகம் செய்யப்படும் என்றும், இந்த ஸ்மார்ட்போன் ஆன்லைன் வலைதளத்தில் பிரத்யேகமாக விற்பனை செய்யப்படும் என கூறப்படுகிறது. இதன் விலையை பொருத்த வரை ரூ.30,000க்குள் நிர்ணயம் செய்யப்படலாம் என எதிர்பார்க்கப்படுகிறது.

    நோக்கியா 7.1 ஸ்மார்ட்போனில் 5.84 இன்ச், ஃபுல் ஹெச்.டி. பிளஸ் 19:9 ஸ்கிரீன், நாட்ச், பியூர் டிஸ்ப்ளே தொழில்நுட்பம், ஆன்ட்ராய்டு 8.1 ஓரியோ இயங்குதளம் கொண்டிருக்கிறது. புதிய நோக்கியா 7.1 ஸ்மார்ட்போனில் ஆன்ட்ராய்டு 9.0 பை அப்டேட் வழங்குவதாக அறிவிக்கப்பட்டது.


    புகைப்படங்களை எடுக்க 12 எம்.பி. + 5 எம்.பி. டூயல் பிரைமரி கேமரா, ZEISS ஆப்டிக்ஸ் மற்றும் சீரான ஆட்டோஃபோக்கஸ் வழங்கப்பட்டுள்ளது. முன்பக்கம் 8 எம்.பி. ஏ.ஐ. மேம்படுத்தப்பட்ட செல்ஃபி கேமரா வழங்கப்பட்டுள்ளது. இந்த கேமரா முக அங்கீகார தொழில்நுட்பத்தை சப்போர்ட் செய்யும்.

    புதிய நோக்கியா 7.1 ஸ்மார்ட்போன் 6000 சீரிஸ் அலுமினியம் ஃபிரேம் மற்றும் டூயல்-அனோடைஸ்டு டைமன்ட் கட் கலர்டு எட்ஜ் கொண்டுள்ளது. இந்த ஸ்மார்ட்போன் 3060 எம்.ஏ.ஹெச். பேட்டரி, யு.எஸ்.பி. டைப்-சி, ஃபாஸ்ட் சார்ஜிங் வசதி வழங்கப்பட்டுள்ளது.



    நோக்கியா 7.1 சிறப்பம்சங்கள்

    - 5.84 இன்ச் 2244x1080 பிக்சல் ஃபுல் ஹெச்.டி. பிளஸ் ஹெச்.டி.ஆர். 10 டிஸ்ப்ளே
    - கார்னிங் கொரில்லா கிளாஸ் 3
    - 1.8 ஜிகாஹெர்ட்ஸ் ஆக்டா-கோர் ஸ்னாப்டிராகன் 636 14nm பிராசஸர்
    - அட்ரினோ 509 GPU
    - 3 ஜி.பி. ரேம், 32 ஜி.பி. மெமரி
    - 4 ஜி.பி. ரேம், 64 ஜி.பி. மெமரி
    - மெமரியை நீட்டிக்கும் வசதி
    - ஹைப்ரிட் டூயல் சிம்
    - ஆன்ட்ராய்டு 8.1 ஓரியோ
    - 12 எம்.பி. பிரைமரி கேமரா, டூயல் எல்.இ.டி. ஃபிளாஷ், f/1.8, 1.28 um பிக்சல், ZEISS ஆப்டிக்ஸ்
    - 5 எம்.பி. இரண்டாவது பிரைமரி கேமரா, f/2.4, 1.12um பிக்சல்
    - 8 எம்.பி. செல்ஃபி கேமரா, f/2.0, 84-டிகிரி FOV
    - கைரேகை சென்சார்
    - 3.5 எம்.எம். ஹெட்போன் ஜாக், எஃப்.எம். ரேடியோ, நோக்கியா OZO ஆடியோ
    - டூயல் 4ஜி வோல்ட்இ, வைபை, ப்ளூடூத், டைப்-சி
    - 3060 எம்.ஏ.ஹெச். பேட்டரி, ஃபாஸ்ட் சார்ஜிங்

    நோக்கியா 7.1 ஸ்மார்ட்போன் கிளாஸ் மிட்நைட் புளு மற்றும் கிளாஸ் ஸ்டீல் நிறங்களில் கிடைக்கிறது. இதன் விலை 299 யூரோ அதாவது இந்திய மதிப்பில் ரூ.25,400 முதல் கிடைக்கிறது. இதன் 4 ஜி.பி. ரேம், 64 ஜி.பி. மெமரி வெர்ஷன் விலை 349 யூரோ அதாவது இந்திய மதிப்பில் ரூ.29,625 என நிர்ணயம் செய்யப்பட்டுள்ளது. இந்தியாவில் இதன் விலை மேலும் குறைவாக நிர்ணயம் செய்யப்படலாம் என எதிர்பார்க்கப்படுகிறது. #NokiaMobile
    ×