search icon
என் மலர்tooltip icon

    நீங்கள் தேடியது "England 1000 test"

    எட்ஜ்பாஸ்டன் டெஸ்டின் முதல் இன்னிங்ஸில் அனைத்து விக்கெட்டுக்களையும் இழந்து இந்திய அணி 274 ரன்கள் குவித்துள்ளது. #ENGvIND
    லண்டன் :

    இங்கிலாந்து - இந்தியா இடையிலான முதல் டெஸ்ட் எட்ஜ்பாஸ்டனில் நடைபெற்று வருகிறது. நேற்றைய முதல் நாளில் 9 விக்கெட் இழப்பிற்கு 285 ரன்கள் எடுத்திருந்தது. இன்று 2-வது நாள் ஆட்டம் தொடங்கியதும் மேலும் இரண்டு ரன்கள் எடுத்த நிலையில் ஆல்அவுட் ஆனது. அஸ்வின் நான்கு விக்கெட்டுக்களும், முகமது ஷமி 3 விக்கெட்டுக்களும் வீழ்த்தினார்கள்.

    பின்னர் இந்தியா முதல் இன்னிங்சை தொடங்கியது. தவான் மற்றும் முரளி விஜய் ஆகியோர் தொடக்க வீரர்களாக களம் இறங்கினார்கள். இருவரும் நிதானமான ஆட்டத்தை வெளிப்படுத்தினார்கள். இதனால் இந்தியா 11.1 ஓவரில் 50 ரன்னைத் தொட்டது. 14-வது ஓவரை சாம் குர்ரான் வீசினார். இந்த ஓவரில் இந்தியாவிற்கு மிகப்பெரிய அதிர்ச்சி காத்திருந்தது. 4-வது பந்தில் முரளி விஜய் எல்பிடபிள்யூ மூலம் வெளியேறினார். அடுத்து வந்த லோகேஷ் ராகுல் 6-வது பந்தில் க்ளீன் போல்டானார்.

    இந்த அதிர்ச்சியில் இருந்து இந்திய ரசிகர்கள் மீள்வதற்குள் சாம் குர்ரான் வீசிய 16-வது ஓவரின் ஐந்தாவது பந்தில் தவான் ஸ்லிப்பில் கேட்ச் கொடுத்து ஆட்டமிழந்தார். 8 ரன்னுக்குள் இந்திய அணி அடுத்தடுத்து 3 விக்கெட்டை இழந்தது. 20 வயதே ஆன சாம் குர்ரான் மூன்று விக்கெட்டுக்களையும் வீழ்த்தி இந்தியாவிற்கு அதிர்ச்சியூட்டினார. பின்னர் 4-வது விக்கெட்டுக்கு விராட் கோலியுடன் ரகானே ஜோடி சேர்ந்தார்.

    நிதானமாக விளையாடிய ரகானே, 15 ரன்னில் ஸ்டோக்ஸ் பந்தில் ஜென்னிங்சிடம் கேட்ச் கொடுத்து ஆட்டமிழ்ந்தார். அடுத்து களமிறங்கிய தினேஷ் கார்த்திக் ரன் ஏதும் அடிக்காமல் வந்த வேகத்திலேயே ஸ்டோக்ஸ் பந்தில் பௌல்டாகி வெளியேற 100 ரன்களுக்கு 5 விக்கெட்டுக்களை இழந்து இந்திய அணி தடுமாறியது.

    அடுத்து களவிறங்கிய ஹர்திக் பாண்டியா 22 ரன்கள் , அஷ்வின் 10 ரன்கள், ஷமி 2 ரன்கள் என சீரான இடைவெளியில் விக்கெட்டுக்கள் விழ மறுமுனையில் விராட் கோலி மட்டும் நம்பிக்கை அளிக்கும் வகையில் விளையாடினார். 225 பந்துகளில் 22 பவுண்டரிகளுடன் தனி ஆளாக நின்று கோலி 149 ரன்கள் குவித்து ஆட்டமிழந்தார். இதனால், சரிவில் இருந்த இந்திய அணி மீண்டது.

    இறுதியில், இந்திய அணி 76 ஓவர் முடிவில் அணைத்து விக்கெட்டுக்களையும் இழந்து 274 ரன்கள் அடித்து இங்கிலாந்து அணியை விட 13 ரன்கள் பின் தங்கியது. இங்கிலாந்து அணியின் சாம் குர்ரான் 4 விக்கெட்டுக்களை வீழ்த்தி இந்திய பேட்ஸ்மேன்களை ஆட்டம் காண செய்தார்.



    இரண்டாவது இன்னிங்ஸை தொடர்ந்த இங்கிலாந்து அணிக்கு தொடக்கமே அதிர்ச்சி காத்திருந்தது அஷ்வின் வீசிய மூன்றாவது ஓவரில் தொடக்க ஆட்டக்காரர் குக் ரன் ஏதும் எடுக்காமல் ஆட்டமிழந்தார்.

    இரண்டாம் நாள் ஆட்ட நேர முடிவில் இங்கிலாந்து அணி 9 ரன்கள் குவித்து 22 ரன்கள் முன்னிலை பெற்றுள்ளது. ஜென்னிங்ஸ் 5 ரன்களுடன் ஆட்டமிழக்காமல் களத்தில் உள்ளார். #ENGvIND
    140 வருட கிரிக்கெட் வாழ்க்கையில் இன்று இங்கிலாந்து 1000-மாவது டெஸ்டில் கால் எடுத்து வைத்துள்ளது. இந்தியா 4-வது இடத்தில் உள்ளது. #ENGvIND #1000thTest
    1877-ம் ஆண்டு முதன்முதலாக இங்கிலாந்து அணி டெஸ்ட் கிரிக்கெட்டில் அடியெடுத்து வைத்தது. அப்போது இங்கிலாந்து - ஆஸ்திரேலியா அணிகளுக்கு இடையில் மட்டுமே போட்டி நடத்தப்பட்டது. அதன்பின் தற்போது 12 அணிகள் சர்வதேச டெஸ்ட் போட்டிகளில் விளையாட அங்கீகாரம் பெற்றுள்ளது.

    இங்கிலாந்து - இந்தியா இடையிலான முதல் டெஸ்ட் எட்ஜ்பாஸ்டனில் இன்று தொடங்கியது. இந்த டெஸ்டின் விளையாடியதன் மூலம் சுமார் 140 வருட காலத்தில் இங்கிலாந்து 1000-மாவது டெஸ்டில் விளையாடிய முதல் அணி என்ற சாதனையைப் படைத்துள்ளது.



    ஆஸ்திரேலியா 812 டெஸ்ட் போட்டிகளுடன் 2-வது இடத்திலும், வெஸ்ட் இண்டீஸ் 535 போட்டிகளுடன் 3-வது இடத்திலும் உள்ளது.



    இந்தியா 523 போட்டிகளில் விளையாடி 4-வது இடத்தில் உள்ளது. தென்ஆப்பிரிக்கா 427 போட்டிகளுடன் 5-வது இடத்திலும், நியூசிலாந்து (426) 6-வது இடத்திலும், பாகிஸ்தான் (415) 7-வது இடத்திலும், இலங்கை (274) 8-வது இடத்திலும், வங்காள தேசம் (108) 9-வது இடத்திலும் உள்ளது.
    இந்தியாவிற்கு எதிரான பர்மிங்காம் எட்ஜ்பாஸ்டன் டெஸ்ட் போட்டி இங்கிலாந்து டெஸ்ட் கிரிக்கெட் அணிக்கு வரலாற்று சிறப்புமிக்க 1000-மாவது போட்டியாகும். #ENGvIND
    இங்கிலாந்து - இந்தியா அணிகளுக்கு இடையிலான முதல் டெஸ்ட் பர்மிங்காம் எட்ஜ்பாஸ்டனில் நாளைமறுநாள் (புதன்கிழமை) தொடங்குகிறது. இந்த டெஸ்ட் இரண்டு அணிக்கும் முக்கியமானது. ஏனென்றால் வெற்றியுடன் தொடரை தொடங்க இரு அணிகளும் விரும்பும்.

    இந்தியாவை விட இங்கிலாந்துக்குதான் அதிக முக்கியத்துவம் கொண்டதாகும். ஏனெனில், இங்கிலாந்து 1877-ம் ஆண்டில் இருந்து இதுவரை 999 டெஸ்ட் போட்டிகளில் விளையாடியுள்ளது. புதன்கிழமை தொடங்கும் டெஸ்ட் இந்த அணியின் வரலாற்று சிறப்புமிக்க 1000-வது டெஸ்ட் ஆகும்.



    1000-வது டெஸ்டில் விளையாட இருக்கும் இங்கிலாந்து மற்றும் வேல்ஸ் கிரிக்கெட் போர்டிற்கு சர்வதேச கிரிக்கெட் வாரியம் தனது வாழ்த்துக்களை தெரிவித்துள்ளார்.

    இங்கிலாந்து அணி 999 டெஸ்ட் போட்டிகளில் 357-ல் வெற்றியும், 297-ல் தோல்வியையும், 345 போட்டிகளில் டிராவையும் சந்தித்துள்ளது. எட்ஸ்பாஸ்டனில் இதுவரை இங்கிலாந்து 1902-ல் இருந்து 50 டெஸ்ட் போட்டிகளில் விளையாடியுள்ளது. இதில் 27 போட்டிகளில் வெற்றியும், 8-ல் தோல்வியும், 15-ல் டிராவும் செய்துள்ளது.
    ×