நீங்கள் தேடியது "Chartered Cooperative Management"

நாமக்கல்:

நாமக்கல் மண்டல கூட்டுறவுச் சங்கங்களின் இணைப்பதிவாளர் அருளரசு வெளியிட்டுள்ள செய்திகுறிப்பில் கூறியிருப்பதாவது:-

நாமக்கல் கூட்டுறவு மேலாண்மை நிலையத்தில், 2023-2024-ம் ஆண்டு 28-வது அஞ்சல்வழி/ பகுதிநேர (மாற்றத்திற்குட்பட்டது) கூட்டுறவு மேலாண்மை பட்டயப்பயிற்சி (புதிய பாடத்திட்டத்தின்படி) விரைவில் தொடங்கப்படவுள்ளது. இதற்கு www.tncuicm.com என்ற இணையதள முகவரியில் மட்டுமே விண்ணப்பிக்க வேண்டும். இணையதளத்தில் வருகிற 30-ந் தேதி மாலை 5.30 மணி வரை விண்ணப்பிக்கலாம். விண்ணப்ப கட்டணம் ரூ.100-ஐ இணையவழியில் செலுத்தி விண்ணப்பிக்க வேண்டும். 10 -ம் வகுப்பு தேர்ச்சி பெற்று பிள்ஸ்-2 தேர்ச்சி பெற்ற அனைவரும் விண்ணப்பிக்கலாம்.

பயிற்சி தொடர்பான விவரங்களை தமிழ்நாடு கூட்டுறவு ஒன்றியத்தின் www.tncuicm.com என்ற இணையதளத்தின் மூலம் தெரிந்துகொள்ளலாம்.

மேலும், நாமக்கல் கூட்டுறவு மேலாண்மை நிலையம், 796- சேலம் பிரதான சாலை (மயில்வாகனம் காம்ப்ளக்ஸ், முருகன் கோயில் பேருந்து நிறுத்தம் அருகில், நாமக்கல் என்ற முகவரியிலோ அல்லது தொலைபேசி எண்ணிலோ தொடர்பு கொள்ளலாம்.

இவ்வாறு அவர் அதில் தெரிவித்துள்ளார்.