புதுடெல்லி:
மத்திய அரசின் பாடத்திட்டமான சி.பி.எஸ்.இ. 12-ம் வகுப்பு பொதுத்தேர்வு மார்ச் மாதம் 5-ம் தேதி தொடங்கி ஏப்ரல் 25-ம் தேதி முடிவடைந்தது. 11.86 லட்சம் மாணவ-மாணவிகள் 12-ம் வகுப்பு தேர்வு எழுதினர்.
இந்த தேர்வில் 12-ம் வகுப்பிற்கான பொருளாதாரவியல் பாடத்தின் கேள்வித்தாளும் வாட்ஸ்-ஆப்பில் வெளியானதாக கூறப்பட்டது. இதனால் மறுதேர்வு நடத்த சி.பி.எஸ்.இ. தீர்மானித்தது. 12-ம் வகுப்பிற்கான பொருளாதாரவியல் பாடத்துக்கான மறுதேர்வு ஏப்ரல் 25-ம் தேதி நடத்தப்பட்டது. அதேபோல் 10-ம் வகுப்பு வினாத்தாள்களும் வெளியாகி சர்ச்சையை ஏற்படுத்தியது. இதற்கிடையில் தேர்வு நடைபெற்று முடிந்தது.
இந்நிலையில், 12-ம் பொதுத்தேர்வு முடிவுகள் இன்று வெளியாகிறது. இதுகுறித்து சி.பி.எஸ்.இ. கல்வித்துறை செயலாளர் அனில் சுவரப் கூறுகையில், மாணவ-மாணவியர் கூகுளில் தங்களின் தேர்வு முடிவுகளை காணலாம். மேலும், சி.பி.எஸ்.இ.-யின் இணைய தளங்களிலும் முடிவுகள் வெளியிடப்படும் என தெரிவித்தார்.
10-ம் வகுப்பு பொதுத்தேர்வு முடிவுகள் வெளியிடப்படும் தேதி அறிவிக்கப்படவில்லை. #CBSEresults
