புரட்டாசி மாதம் வர உள்ளதால் திருப்பதியில் கூடுதல் தரிசன டிக்கெட்டுகளை வெளியிட பக்தர்கள் கோரிக்கை

திருப்பதி

திருப்பதி ஏழுமலையான் கோவிலில் கொரோனா தொற்றுக்கு பிறகு 5 ஆயிரம் பக்தர்கள் தரிசனம் செய்யும் வகையில் ரூ.300 டிக்கெட்டுகள் ஆன்லைனில் வெளியிடப்பட்டு பக்தர்கள் சாமி தரிசனம் செய்து வருகின்றனர்.

கொரோனா தொற்று 3-வது அலை பரவும் அபாயம் உள்ளதால் இலவச தரிசனம் நிறுத்திவைக்கப்பட்டுள்ளது.

இந்த நிலையில் 3,000 டிக்கெட்டுகள் ரூ,300 கட்டணத்தில் நேற்று கூடுதலாக வெளியிடப்பட்டது. ஆன்லைனில் டிக்கெட் வெளியிடப்பட்ட 2 மணி நேரத்தில் அனைத்து டிக்கெட்டுகளும் விற்று தீர்ந்தது.

கூடுதலாக வெளியிடப்பட்ட 3 ஆயிரம் டிக்கெட்டுகளும் 2 மணிநேரத்தில் காலியானதால் டிக்கெட்டுகளை பதிவு செய்து தரிசனம் செய்யலாம் என ஆவலோடு காத்திருந்த பக்தர்கள் ஏமாற்றம் அடைந்தனர்.

ஏழுமலையானுக்கு உகந்த புரட்டாசி மாதம் விரைவில் வர உள்ளதால் கூடுதல் டிக்கெட்டுகளை ஆன்லைனில் வெளியிட வேண்டும் என பக்தர்கள் தேவஸ்தானத்திற்கு கோரிக்கை விடுத்துள்ளனர்.