அமெரிக்க அதிபர் தேர்தல் முடிவுகள்: காரணத்திற்காகவே என் உயிரை கடவுள் காப்பாற்றினார்.. டொனால்டு டிரம்ப்

டொனால்டு டிரம்ப் வெற்றி உரை

என் வெற்றிக்கு பாடுபட்ட குடும்பத்தினருக்கு அன்பையும், நன்றியையும் தெரிவித்துக் கொள்கிறேன். மேலவையிலும் வெற்றியை பதிவு செய்துள்ளோம். இதை யாரும் எதிர்பார்த்திருக்க மாட்டார்கள். மக்களின் நம்பிக்கையை காப்பேன். எனது வெற்றி அமெரிக்காவுக்கு நிவாரணியாக இருக்கும். ஏராளமான தடைகளை தாண்டி தேர்தலில் வெற்றி பெற்றுள்ளோம். நான் அனைவரும் இணைந்து வரலாற்றை உருவாக்கியுள்ளோம். சட்டவிரோத குடியேற்றம் தடுத்து நிறுத்தப்படும். அமெரிக்காவை மேலும் சிறந்த நாடாக மாற்ற உழைப்போம்.

பென்சில்வேனியா (19), அலாஸ்கா (3) மாகாணங்களில் டொனால்டு டிரம்ப் வெற்றி பெற்று 270 எலக்டோரல் வாக்குகளை பெற்று அதிபர் தேர்தலில் வெற்றி பெற்றுள்ளார்.

தேர்தலில் பின்தங்கி வரும் நிலையில் ஜனநாயக கட்சி வேட்பாளரான கமலா ஹாரிஸ் தனது உரையை ரத்து செய்துள்ளார்.

ஹவாய் தீவில் கமலா ஹாரிஸ் வெற்றி பெற்றார். இங்கு 4 எலக்டோரல் வாக்குகள் உள்ளன.

16 எலக்ரோல் வாக்குகளை கொண்டு முக்கியமான ஸ்விங் மாகாணமாக கருதப்படும் ஜார்ஜியாவில் டொனால்டு டிரம்ப் வெற்றி பெற்றதாக தகவல் வெளியாகியுள்ளது.

நியூ மெக்சிகோ மாகாணத்தில் கமலா ஹாரிஸ் 51.7 சதவீதம் வாக்குகள் பெற்று வெற்றி பெற்றுள்ளார். இங்கு 5 எலக்டோரல் வாக்குகள் உள்ளன.

விர்ஜினியா மாகாணத்தில் கமலா ஹாரிஸ் 51.4 சதவீதம் வாக்குகள் பெற்று வெற்றி பெற்றார். இங்கு 13 எலக்டோரல் வாக்குகள் உள்ளன.