தமிழக மீனவர்கள் 12 பேருக்கு தலா ரூ. 1.5 கோடி அபராதம் - இலங்கை நீதிமன்றம் உத்தரவு

தூத்துக்குடியை சேர்ந்த 12 மீனவர்களுக்கு இலங்கை நீதிமன்றம் ரூ. 1.5 கோடி அபராதம் விதித்துள்ளது. அபராத தொகையை செலுத்த தவறும் பட்சத்தில் மீனவர்களுக்கு ஆறு மாத காலம் சிறை தண்டனை விதிக்கவும் அந்நாட்டு நீதிமன்றம் உத்தரவிட்டுள்ளது.

எல்லை தாண்டி மீன்பிடித்ததாக கைது செய்யப்பட்டுள்ள 12 மீனவர்களை வருகிற 10 ஆம் தேதி வரை நீதிமன்ற காவலில் வைக்க உத்தரவிட்டுள்ளது.

இலங்கை கடற்படையினரால் தமிழக மீனவர்கள் தொடர்ச்சியாக கைது செய்யப்படும் சம்பவங்கள் அரங்கேறி வருகின்றன. இந்த நிலையில், தமிழக மீனவர்களுக்கு பெரும் தொகை அபராதமாக விதிக்கப்பட்டுள்ள சம்பவம் பேசு பொருளாகியுள்ளது.