என் மலர்
உலகம்
இஸ்ரேல்-ஹமாஸ் போர் லைவ் அப்டேட்ஸ்: காசாவில் உள்ள ஹமாஸ் தலைவரை கண்டுபிடித்து ஒழிப்போம்: இஸ்ரேல்
- இஸ்ரேல் படைகள் காசாவில் ஹமாஸ் அமைப்பினருடன் சண்டையிட்டு வருகின்றன.
- ஹமாஸ் காசா தலைவரை கண்டுபிடித்து ஒழித்துக் கட்டுவோம் என்று இஸ்ரேல் தெரிவித்தது.
இஸ்ரேல் மீது ஹமாஸ் பயங்கரவாதிகள் கடந்த 7-ம் தேதி திடீரென தாக்குதல் நடத்தினர். அத்துடன் பலர் பிணைக்கைதிகளாக பிடிக்கப்பட்டுள்ளனர். இதற்கு இஸ்ரேல் காசா மீது ஏவுகணைகளை வீசி பதிலடி கொடுத்து வருகிறது. இதனால் இரு பக்கமும் உயிர்ச்சேதம் ஏற்பட்டுள்ளது.
இருதரப்பிலும் உயிரிழந்தோர் எண்ணிக்கை 10 ஆயிரத்தைக் கடந்துள்ளது.
இந்நிலையில், இஸ்ரேல் பாதுகாப்பு மந்திரி யோவ் கேலன்ட் கடந்த இரு தினங்களில் வடக்கு எல்லை மற்றும் தெற்கில் சுற்றுப்பயணம் செய்தார்.
அதன்பின், செய்தியாளர்களிடம் பேசிய அவர், இஸ்ரேலியப் படைகள் காசாவில் ஹமாஸ் பயங்கரவாதிகளுடன் கடும் சண்டையில் ஈடுபட்டுள்ளன. ஹமாஸ் காசா தலைவரை கண்டுபிடித்து ஒழித்துக் கட்டுவோம் என்று தெரிவித்தார்.
Live Updates
- 24 Oct 2023 7:12 AM IST
இஸ்ரேலுடனான தாக்குதலின்போது பலரை பிணைக்கைதிகளாக பிடித்துச் சென்றனர் ஹமாஸ் பயங்கரவாதிகள். பிணைக் கைதிகளை விடுவிக்க வேண்டும் என அமெரிக்க அதிபர் ஜோ பைடன் வலியுறுத்தி இருந்த நிலையில், மேலும் 2 இஸ்ரேல் பிணைக் கைதிகளை ஹமாஸ் அமைப்பினர் விடுவித்துள்ளனர்.
24 Oct 2023 6:21 AM ISTஇஸ்ரேல்-ஹமாஸ் இடையிலான போர் விவகாரம் தொடர்பாக, பிரதமர் நரேந்திர மோடி ஜோர்டான் மன்னர் அப்துல்லாவுடன் தொலைபேசியில் உரையாடினார். அப்போது, காசாவில் மக்களின் பாதுகாப்பு, மனிதாபிமான சூழ்நிலையை தீர்க்க ஒருங்கிணைந்த முயற்சிகள் தேவை என வலியுறுத்தினார்.
- 23 Oct 2023 8:04 PM IST
காசா எல்லை அருகில் அமைந்திருக்கும் இஸ்ரேல் ராணுவ நிலைகள் மீது ஹமாஸ் நடத்திய டிரோன் தாக்குதலை முறியடித்து இருப்பதாக இஸ்ரேல் தெரிவித்து இருக்கிறது. காசாவில் இருந்து ஏவப்பட்ட இரண்டு டிரோன்களும் நிர் ஒஸ் மற்றும் என் ஹபிசர் பகுதியில் சுட்டுவீழ்த்தப்பட்டதாக இஸ்ரேல் ராணுவம் தெரிவித்து இருக்கிறது.
- 23 Oct 2023 6:35 PM IST
இஸ்ரேல் - ஹமாஸ் இடையேயான போரில் இதுவரை உயிரிழந்தோர் எண்ணிக்கை 6 ஆயிரத்து 500ஐ கடந்தது. இஸ்ரேல் மீது ஹமாஸ் நடத்திய தாக்குதலில் இதுவரை 1,405 பேரும், இஸ்ரேல் நடத்திய பதில் தாக்குதலில் 5 ஆயிரத்து 87 பேரும் உயிரிழந்துள்ளனர். இதுவரை இந்த போரில் உயிரிழந்தோர் எண்ணிக்கை 6 ஆயிரத்து 587 ஆக அதிகரித்துள்ளது.
- 23 Oct 2023 12:57 PM IST
ஹமாஸ் அமைப்பு குடிமக்களுக்கு எதிரான பயங்கரவாத தாக்குதலின் ஒரு பகுதியாக சயனைடு கலந்த ரசாயன ஆயுதங்களைப் பயன்படுத்த திட்டமிட்டு இருந்தது தெரிய வந்துள்ளது என இஸ்ரேல் அதிகாரிகள் தெரிவித்தனர்.
- 23 Oct 2023 12:05 PM IST
இஸ்ரேலுடன் போர் தொடுக்க நினைத்ததே ஹெஸ்புல்லா அமைப்பு தனது வாழ்வில் செய்துள்ள மிகப் பெரிய தவறு என இஸ்ரேல் பிரதமர் பெஞ்சமின் நேதன்யாகு தெரிவித்துள்ளார்.
- 23 Oct 2023 9:39 AM IST
காசாவுக்கு தேவையான மனிதநேய உதவி மற்றும் நிவாரண பொருட்களை தொடர்ந்து வழங்குவது உறுதி செய்யப்பட வேண்டிய தேவை உள்ளது என்று அமெரிக்க அதிபர் பைடன் தொலைபேசி வாயிலாக இஸ்ரேல் பிரதமர் நேதன்யாகுவிடம் தெரிவித்தார்.
- 23 Oct 2023 8:36 AM IST
ஹமாஸ் அமைப்புக்கு ஆதரவாக ஈரான், லெபனான், சிரியா என பல நாடுகள் செயல்பட தொடங்கின. இஸ்ரேலுக்கான உதவிகளை அமெரிக்கா அளித்துவருகிறது. மத்திய கிழக்கில் மோதல்கள் அதிகரிக்கும் பட்சத்தில் தாக்குதல் நடத்த அமெரிக்கா தயங்காது என பாதுகாப்புத்துறை மந்திரி லாயிட் ஆஸ்டின் தெரிவித்தார்.
- 23 Oct 2023 7:12 AM IST
இஸ்ரேல் நடத்திய வான்வழி தாக்குதல்களில் கடந்த 24 மணி நேரத்தில் 177 சிறுவர்கள் உள்பட 266 பேர் காசாவில் கொன்று குவிக்கப்பட்டனர் என காசா சுகாதார அமைச்சகம் தெரிவித்துள்ளது.
- 23 Oct 2023 6:03 AM IST
இஸ்ரேல் நாட்டில் சிக்கித் தவித்த 143 இந்தியர்களுடன் 6-வது விமானம் இன்று அதிகாலை டெல்லி வந்தடைந்தது என வெளியுறவுத்துறை தெரிவித்துள்ளது.
