ஜப்பானில் 6.1 ரிக்டர் அளவில் நிலநடுக்கம்

டோக்கியோ:

சக்திவாய்ந்த நிலநடுக்கத்தை ஏற்படுத்தக்கூடிய பசிபிக் நெருப்பு வளைய பகுதியில் ஜப்பான் உள்ளது. இதனால் இங்கு அடிக்கடி நிலநடுக்கங்கள் ஏற்பட்டு மக்களை நிலைகுலையச் செய்கின்றன. சில நேரங்களில் பெரிய அளவிலான பாதிப்புகளை ஏற்படுத்திவிடுகிறது.

இந்நிலையில், ஜப்பானின் தென்கிழக்கு பகுதியில் உள்ள தோபாவில் இன்று மதியம் 1.38 மணியளவில் நிலநடுக்கம் ஏற்பட்டது. தோபாவில் இருந்து 84 கி.மீ. தொலைவில் ஏற்பட்ட இந்த நிலநடுக்கம் ரிக்டர் அளவுகோலில் 6.1 அலகாக பதிவாகியிருந்தது.

நிலநடுக்கத்தால் ஏற்பட்ட சேத விவரம் குறித்த தகவல் வெளியாகவில்லை.