கலிபோர்னியாவில் பரவும் தீ- வீடுகள், வாகனங்கள் எரிந்து நாசம்

கலிபோர்னியாவின் பெரிஸில் உள்ள குறிப்பிட்ட பகுதியில் தீ பரவி வருகிறது. இன்று பிற்பகல் சுமார் 2.30 மணியளவில் தீ விபத்து ஏற்பட்டது. இது வேகமாக பரவி வருகிறது.

இதுகுறித்து தகவல் அறிந்து விரைந்த தீயணைப்பு வீரர்கள் தீயை அணைக்கும் முயற்சியில் ஈடுபட்டு வருகின்றனர்.விமானம் மூலமும் தீயை கட்டுக்குள் கொண்டு வருகின்றனர்.

இதில், பல வீடுகள் மற்றும் கட்டமைப்புகள், பல வாகனங்கள் தீயில் எரிந்து நாசமாயின.

இதுவரை, நான்கு வீடுகள் எரிந்து நாசமாகியுள்ளதாகவும், வாகனங்கள் பல இன்னும் எரிந்து கொண்டிருப்பதாகவும் தகவல் வெளியாகி உள்ளது.

அங்கு, மக்கள் கட்டாயம் வெளியேற்ற உத்தரவு பிறப்பிக்கப்பட்டுள்ளது.