டீ, பிஸ்கட் விருந்துடன் பாகிஸ்தான் பிரதமராக பதவியேற்கிறார் இம்ரான் கான்

இஸ்லாமாபாத்:

பாகிஸ்தானில் புதிய பிரதமராக தெஹ்ரீக் இ இன்சாப் கட்சியின் தலைவர் இம்ரான் கான் நாளை பதவியேற்க உள்ளார். இவர் தனது பதவியேற்பு விழாவை மிகவும் எளிமையாக நடத்த விரும்புவதாக ஏற்கனவே அறிவித்திருந்தார்.

இந்த பதவியேற்பு விழாவில் தனது நெருங்கிய நண்பர்கள் உட்பட மிக முக்கியமான சிலருக்கு மட்டுமே இம்ரான் கான் அழைப்பு விடுத்திருந்தார். அழைக்கப்பட்டிருக்கும் விருந்தினருக்கு டீ, பிஸ்கட் மட்டும் கொடுத்து உபசரிக்க திட்டமிடப்பட்டுள்ளதாக தெரிவிக்கப்பட்டுள்ளது.

பதவியேற்பு விழாவில் ஏற்படும் அதிகப்படியான செலவுகளை தவிர்க்கவே இதுமாதிரியான முடிவுக்கு வந்ததாக கட்சி தலைமை கூறியுள்ளது. #Pakistan #ImranKhan #OathCeremony