ஹூவாய் துணை பிரான்டு ஹானர் தனது ஸ்மார்ட்போனினை அனைத்து விலை பிரிவுகளிலும் விற்பனை செய்து வருகிறது. மற்ற சீன நிறுவனங்களுக்கு போட்டியை ஏற்படுத்தும் வகையில், ஹானர் பிரான்டு ஸ்மார்ட்போன் மாடல்களின் விலை குறைவாக நிர்ணயம் செய்யப்பட்டு இருக்கிறது.
இந்நிலையில், ஹானர் 9என் ஸ்மார்ட்போன் இன்று காலை 11.45 மணிக்கு ரூ.1 என்ற மிகக் குறைந்த விலையில் விற்பனைக்கு வருகிறது. இதே போன்று ஹானர் சமீபத்தில் அறிமுகம் செய்த ஹானர் 7எஸ் ஸ்மார்ட்போனும் விற்பனை செய்யப்படுகிறது.
ஹானர் 9N ரூ.1 விற்பனை விவரங்கள்:
இந்தியாவில் ரூ.11,999 விலை நிர்ணயம் செய்யப்பட்டு இருக்கும் ஹானர் 9N ஸ்மார்ட்போன் இன்று காலை மட்டும் ரூ.1 விலையில் விற்பனை செய்யப்படுகிறது. ஹானர் இந்தியா அதிகாரப்பூர்வ வலைத்தளத்தில் இந்த விற்பனை நடைபெறுகிறது. ஹானர் 9N ஸ்மார்ட்போனின் 4 ஜிபி ரேம், 64 ஜிபி மெமரி வேரியன்ட் விற்பனைக்கு கிடைக்கிறது.
விற்பனையில் கலந்து கொள்ள முதலில் ஹானர் இந்தியா வலைத்தளம் சென்று அக்கவுன்ட் ஒன்றை உருவாக்க வேண்டும். பின் உங்களது முகவரியை ப்ரோஃபைலில் சேர்க்க வேண்டும். ரூ.1 ஃபிளாஷ் விற்பனை சரியாக காலை 11.45 மணிக்கு துவங்கும். விற்பனையில் குறைந்த எண்ணிக்கையிலான யூனிட்கள் மட்டுமே கிடைக்கும்.
வெற்றிகரமாக ஸ்மார்ட்போனினை பெற்றவர்கள், ஆன்லைனில் ரூ.1 கட்டணத்தை உடனடியாக செலுத்த வேண்டும். கட்டணம் செலுத்தியதும், ஹானர் 9N ஸ்மார்ட்போன் பயனர் வழங்கிய முகவரிக்கு அனுப்பப்படும்.
ஹானர் 9N சிறப்பம்சங்கள்:
- 5.84 இன்ச் 1080x2280 பிக்சல் ஃபுல் ஹெச்.டி. பிளஸ் 19:9 2.5D வளைந்த கிளாஸ் டிஸ்ப்ளே
- ஆக்டா-கோர் கிரின் 659 சிப்செட்
- மாலி T830-MP2 GPU
- 3 ஜிபி / 4 ஜிபி ரேம்
- 32 ஜிபி / 64 ஜிபி / 128 ஜிபி இன்டெர்னல் மெமரி
- மெமரியை கூடுதலாக நீட்டிக்கும் வசதி
- ஆன்ட்ராய்டு 8.0 ஓரியோ மற்றும் EMUI 8.0
- ஹைப்ரிட் டூயல் சிம் ஸ்லாட்
- 13 எம்பி பிரைமரி கேமரா எல்இடி ஃபிளாஷ்
- 2 எம்பி இரண்டாவது பிரைமரி கேமரா
- 16 எம்பி செல்ஃபி கேமரா
- கைரேகை சென்சார்
- ரைட் மோட், பார்டி மோட்
- 4ஜி வோல்ட்இ, வைபை, ப்ளூடூத்
- 3000 எம்.ஏ.ஹெச். பேட்டரி
ஹானர் 7எஸ்
இந்தியாவில் சமீபத்தில் அறிமுகம் செய்யப்பட்ட ஹானர் 7எஸ் ஸ்மார்ட்போன் ரூ.6,999 விலையில் அறிமுகம் செய்யப்பட்டது. இந்த ஸ்மார்ட்போன் இன்று மதியம் 12.00 மணிக்கு நடைபெறுகிறது. வாடிக்கையாளர்கள் ஹானர் இந்தியா அதிகாரப்பூர்வ வலைத்தளத்தில் ஹானர் 7எஸ் ஸ்மார்ட்போனினை வாங்கிட முடியும்.
ஹானர் 7எஸ் சிறப்பம்சங்கள்:
- 5.45 இன்ச் 1440x720 பிக்சல் 18:9 TFT ஃபுல் வியூ டிஸ்ப்ளே
- 1.5 ஜிகாஹெர்ட்ஸ் குவாட்-கோர் மீடியாடெக் MT6739 64-பிட் பிராசஸர்
- பவர் வி.ஆர். ரோக் GE8100 GPU
- 2 ஜிபி ரேம்
- 16 ஜிபி இன்டெர்னல் மெமரி
- மெமரியை கூடுதலாக நீட்டிக்கும் வசதி
- ஆன்ட்ராய்டு 8.1 ஓரியோ மற்றும் EMUI 8.1
- டூயல் சிம் ஸ்லாட்
- 13 எம்பி பிரைமரி கேமரா, எல்இடி ஃபிளாஷ், PDAF
- 5 எம்பி முன்பக்க கேமரா, எல்இடி ஃபிளாஷ்
- 3.5 எம்.எம். ஆடியோ ஜாக், எஃப்.எம். ரேடியோ
- 4ஜி எல்.டிஇ, வைபை, ப்ளூடூத்
- ஃபேஸ் அன்லாக்
- 3020 எம்.ஏ.ஹெச். பேட்டரி
