அதிரடி அம்சங்களுடன் ஹெச்.டி.சி. யு11 பிளஸ் ஸ்மார்ட்போன்: இந்தியாவில் அறிமுகம்
Byமாலை மலர்6 Feb 2018 9:43 AM GMT (Updated: 6 Feb 2018 9:43 AM GMT)
ஹெச்.டி.சி. நிறுவனத்தின் புதிய ஃபிளாக்ஷிப் ஸ்மார்ட்போனான யு11 பிளஸ் இந்தியாவில் அறிமுகம் செய்யப்பட்டுள்ளது.
புதுடெல்லி:
ஹெச்.டி.சி. நிறுவனம் இந்தியாவில் புதிய ஃபிளாக்ஷிப் ஸ்மார்ட்போனினை அறிமுகம் செய்துள்ளது. புதிய ஹெச்.டி.சி. யு11 பிளஸ் ஸ்மார்ட்போன் கடந்த ஆண்டு நவம்பர் மாத வாக்கில் அறிவிக்கப்பட்டது.
ஹெச்.டி.சி. யு11 பிளஸ் ஸ்மார்ட்போனில் 6.0 இன்ச் குவாட் ஹெச்டி பிளஸ் 18:9 ஃபுல் ஸ்கிரீன் டிஸ்ப்ளே, குவால்காம் ஸ்னாப்டிராகன் 835 சிப்செட் மற்றும் 6 ஜிபி ரேம் வழங்கப்பட்டுள்ளது. ஹெச்.டி.சி. நிறுவனத்தின் யு11 ஸ்மார்ட்போனின் மேம்படுத்தப்பட்ட ஸ்மார்ட்போனாக அறிமுகம் செய்யப்பட்டுள்ள யு11 பிளஸ் ஸ்மார்ட்போனில் எட்ஜ் சென்ஸ் தொழில்நுட்பம் வழங்கப்பட்டிருக்கிறது.
ஆண்ட்ராய்டு 8.0 ஓரியோ இயங்குதளம், சென்ஸ் யூசர் இன்டர்ஃபேஸ் மற்றும் IP68 தரச்சான்று பெற்ற வாட்டர் மற்றும் டஸ்ட் ரெசிஸ்டண்ட் வசதி வழங்கப்பட்டிருக்கிறது.
ஹெச்.டி.சி. யு11 பிளஸ் ஸ்மார்ட்போன் அமேசிங் சில்வர் நிறத்தில் கிடைப்பதோடு இந்தியாவில் ரூ.56,990 என விலை நிர்ணயம் செய்யப்பட்டுள்ளது. பிப்ரவரி 7-ம் தேதி முதல் விற்பனைக்கு வரும் ஹெச்.டி.சி. யு11 பிளஸ் ஸ்மார்ட்போன் பிளிப்கார்ட் வலைத்தளத்தில் மட்டும் பிரத்யேகமாக விற்பனை செய்யப்பட இருக்கிறது. விரைவில் ஹெச்.டி.சி. யு11 பிளஸ் ஸ்மார்ட்போன் செராமிக் பிளாக் நிறத்திலும் கிடைக்கும் என தெரிவிக்கப்பட்டுள்ளது.
ஹெச்.டி.சி. யு11 பிளஸ் ஸ்மார்ட்போனின் அறிமுக வீடியோவை கீழே காணலாம்..,
