3 ஜிபி ரேம் கொண்ட நோக்கியா 5 ஸ்மார்ட்போன் வெளியானது

புதுடெல்லி:

நோக்கியா 2 ஸ்மார்ட்போனினை வெளியிட்டதை தொடர்ந்து எச்எம்டி குபளோபல் நிறுவனம் நோக்கியா 5 ஸ்மார்ட்போனின் 3 ஜிபி ரேம் கொண்ட மாடலை அறிமுகம் செய்துள்ளது. சில மாதங்களுக்கு முன் நோக்கியா 3 மற்றும் நோக்கியா 6 ஸ்மார்ட்போன்களுடன் நோக்கியா 5 ஸ்மார்ட்போன் அறிமுகமானது.

ஆகஸ்டு மாதம் அறிமுகமான நோக்கியா 5 ஸ்மார்ட்போனில் 2 ஜிபி ரேம் மட்டுமே வழங்கப்பட்டது. ரூ.12,499 என்ற விலையில் அறிமுகமான நோக்கியா 5 பல நோக்கியா பிரியர்களை ஏமாற்றத்தில் ஆழ்த்தியதை தொடர்ந்து 3 ஜிபி ரேம் கொண்ட நோக்கியா 5 ஸ்மார்ட்போன் வெளியிடப்பட்டுள்ளது. தோற்றத்தில் புதிய ஸ்மார்ட்போன் பார்க்க முந்தைய நோக்கியா 5 போன்றே காட்சியளிக்கிறது.

சமீபத்தில் எச்எம்டி குளோபல் அறிமுகம் செய்த நோக்கியா 2 அந்நிறுவனத்தின் மலிவு விலை ஸ்மார்ட்போனாக இருக்கிறது. ரூ.6,999 விலையில் எதிர்பார்க்கப்படும் நோக்கியா 2 இந்தியாவில் சியோமி ரெட்மி 4A, ரெட்மி வை1 லைட், மோட்டோ சி பிளஸ் உள்ளிட்ட ஸ்மார்ட்போன்களுக்கு போட்டியாக அமையும்.



நோக்கியா 5 சிறப்பம்சங்கள்:

- 5.2 இன்ச் 1280x720 பிக்சல் எச்டி டிஸ்ப்ளே
- ஸ்னாப்டிராகன் 430 பிராசஸர்
- அட்ரினோ 505 GPU
- 3 ஜிபி ரேம்
- 16 ஜிபி இன்டெர்னல் மெமரி
- மெமரியை கூடுதலாக நீட்டிக்கும் வசதி
- ஆண்ட்ராய்டு 7.1.1 நௌக்கட், ஓரியோ அப்டேட்
- 13 எம்பி பிரைமரி கேமரா, டூயல் டோன் எல்இடி பிளாஷ்
- 8 எம்பி செல்ஃபி கேமரா
- 4ஜி வோல்ட்இ, வைபை, ப்ளூடூத், ஜிபிஎஸ்
- 3000 எம்ஏஎச் பேட்டரி

நோக்கியா 5 ஸ்மார்ட்போனின் 3 ஜிபி ரேம் கொண்ட மாடல் விற்பனை பிளிப்கார்ட் தளத்தில் மட்டுமே பிரத்தியேகமாக விற்பனை செய்யப்படுகிறது. 3 ஜிபி ரேம் கொண்ட நோக்கியா 5 ஸ்மார்ட்போனின் விலை ரூ.13,499 என நிர்ணயம் செய்யப்பட்டுள்ளது. மேட் பிளாக் மற்றும் டெம்பர்டு புளூ நிறங்களில் கிடைக்கும் நோக்கியா 5 நவம்பர் 14-ம் தேதி முதல் ஆஃப்லைன் விற்பனை மையங்களிலும் விற்பனை செய்யப்பட இருக்கிறது.