4000 எம்ஏஎச் பேட்டரி கொண்டு தயாராகும் நோக்கியா 2

புதுடெல்லி:

சர்வதேச சந்தையில் நோக்கியா 8 ஃபிளாக்ஷிப் ஸ்மார்ட்போனை வெளியிட்டதை தொடர்ந்து எச்எம்டி குளோபல் நிறுவனம் நோக்கியா 2 ஸ்மார்ட்போனினை வெளியிட இருக்கிறது. என்ட்ரி லெவல் ஸ்மார்ட்போனாக தயாராகி வரும் நோக்கியா 2 ஸ்மார்ட்போன் சார்ந்து தகவல்கள் தொடர்ந்து வெளியாகி வருகிறது.

அந்த வகையில் தற்சமயம் வெளியாகியுள்ள தகவல்களில் நோக்கியா 2 ஸ்மார்ட்போனில் 4000 எம்ஏஎச் பேட்டரி வழங்கப்படும் என கூறப்படுகிறது. அந்த வகையில் இதுவரை வெளியானதில் அதிக திறனுள்ள பேட்டரி கொண்ட ஸ்மார்ட்போனாக இது இருக்கும். எட்ரி லெவல் ஸ்மார்ட்போன் என்ற வகையில் இந்த ஸ்மார்ட்போன் ஒருமுறை சார்ஜ் செய்தால் இரண்டு நாட்கள் பேக்கப் வழங்கும் என எதிர்பார்க்கப்படுகிறது.

இதுவரை வெளியாகியுள்ள தகவல்களின் படி நோக்கியா 2 ஸ்மார்ட்போனில் 5.0 இன்ச் எச்டி 720 பிக்சல் டிஸ்ப்ளே, குவால்காம் ஸ்னாப்டிராகன் 212 சிப்செட் மற்றும் ஸ்டாக் ஆண்ட்ராய்டு நௌக்கட் இயங்குதளம் கொண்டு இயங்கும் என கூறப்படுகிறது.



நோக்கியா 2 வெளியீடு மற்றும் இந்த ஸ்மார்ட்போனின் விலை சார்ந்து எவ்வித தகவலும் இல்லை. முன்னதாக எச்எம்டி குளோபல் வெளியிட்ட நோக்கியா 3 ரூ.9,499 விலையில் விற்பனை செய்யப்படும் நிலையில் நோக்கியா 2 ஸ்மார்ட்போனின் விலை குறைவாக நிர்ணயம் செய்யப்படும் என கூறப்படுகிறது.

சமீபத்தில் வெளியிடப்பட்ட நோக்கியா 8 ஸ்மார்ட்போனின் சிறப்பம்சங்களை பொருத்த வரை குவால்காம் ஸ்னாப்டிராகன் 835 சிப்செட், 4 ஜிபி ரேம், 64 ஜிபி இன்டெர்னல் மெமரி, சிங்கிள் சிம் மற்றும் டூயல் சிம் என இரண்டு மாடல்களில் வெளியிடப்படுகிறது. இத்துடன் மெமரியை கூடுதலாக நீட்டிக்கும் வசதி மற்றும் 3090 எம்ஏஎச் பேட்டரி மூலம் சக்தியூட்டப்படுகிறது.

5.3 இன்ச் 2K LCD டிஸ்ப்ளே, கார்னிங் கொரில்லா கிளாஸ் 5 மற்றும் யுஎஸ்பி டைப்-சி கனெக்டிவிட்டி வழங்கப்பட்டுள்ளது. ஆணட்ராய்டு நௌக்கட் 7.1.1 இயங்குதளம் கொண்டு இயங்குவதோடு விரைவில் ஆண்ட்ராய்டு ஒ அப்டேட் வழங்கப்படும் என தெரிவிக்கப்பட்டுள்ளது.