தாமதமாகும் புயல் - மணிக்கு 3 கி.மீ. வேகத்தில் நகர்கிறது.. லைவ் அப்டேட்ஸ்

காற்றழுத்த தாழ்வு மண்டலம் சென்னைக்கு கிழக்கே 550 கி.மீ., புதுச்சேரிக்கு தென்கிழக்கே 470 கி.மீ., தொலைவில் மையம் கொண்டுள்ளது. திரிகோணமலைக்கு கிழக்கு-தென்கிழக்கே 120 கி.மீ., நாகைக்கு தென்கிழக்கே 370 கி.மீ. தொலைவில் மையம் கொண்டுள்ளது.

நாகை மாவட்டம் தோட்டம் பகுதியில் கனமழை காரணமாக வீடுகளுக்குள் தண்ணீர் புகுந்ததால் மக்கள் அவதி.

மயிலாடுதுறை மாவட்டம் தரங்கம்பாடி அருகே 150 ஆண்டுகள் பழமையான வீடு இடிந்து விழுந்தது.

பழமையான வீட்டை அப்புறப்படுத்த அப்பகுதி மக்கள் கோரிக்கை வைத்த நிலையில் மழையில் முழுவதும் இடிந்து விழுந்தது.

தஞ்சை மாவட்டம் திருவிடைமருதூர், பந்தநல்லூர், அணைக்கரை, திருப்பனந்தாள் உள்ளிட்ட பகுதிகளில் தொடர் மழை பெய்து வருகிறது.

கொடைக்கானலில் காற்றுடன் கூடிய மழை பெய்து வருவதால் பாதுகாப்பு கருதி நட்சத்திர ஏரியில் படகு சவாரி நிறுத்தப்பட்டுள்ளது.

மெரினாவில் கடல் சீற்றம் காரணமாக கரை ஒதுங்கிய மிதவை - தென்மேற்கு வங்கக் கடலில் மையம் கொண்டுள்ள புயல் சின்னம், கரையை நெருங்கி வரும் நிலையில் கடல் சீற்றத்துடன் காணப்படுகிறது.